coconut samosa recipe cooking tips

సాయంత్రం స్నాక్స్’లో వేడి వేడి సమోసాలు తినడానికి చాలామంది ఇష్టపడతారు. అయితే.. ఒబేసిటీని దూరం చేసే కొబ్బరితో వెరైటీగా సమోసాలను తయారుచేసుకుని తింటే.. రుచితోబాటు ఆరోగ్యాన్ని మెరుగుపర్చుకోవచ్చు. యాంటీఫంగల్’గా పనిచేసే కొబ్బరితో వేడివేడి సమోసాలు చేసుకుని తింటే.. ఎంతో శ్రేయస్కరం. మరి.. వాటిని ఎలా చేస్తారో తెలుసుకుందామా..

Prep Time

40 Minutes
Cooking Time

30 Minutes
Servings

5-10

కావాల్సిన పదార్ధాలు

4 కప్పులు మైదాపిండి
4 టీ స్పూన్లు నెయ్యి
2 టీ స్పూన్లు వాము
తగినంత ఉప్పు, నూనె
1 కప్పు కొబ్బరితురుము
1 కప్పు నువ్వులు
2 టీ స్పూన్లు కారం
2 టీ స్పూన్లు ధనియాలపొడి
2 టీ స్పూన్లు సొంపు
1/2 టీ స్పూన్ ఇంగుల

తయారు చేయు విధానం

Step 1
ఒక పాత్రలో మైదాపిండి తీసుకుని అందులో తగినంత వాము, ఉప్పు కలిసి.. చపాతి పిండిలా కలుపుకోవాలి. అలా కలిపిన పిండిని అరగంటపాటు నానబెట్టాలి.
Step 2
ఒక బాణలి తీసుకుని అందులో కొద్దిగా నెయ్యి వేసి వేడి చేయాలి. వేడయ్యాక అందులో కొబ్బరి తురుము, నువ్వులను విడివిగా వేయించి.. పక్కనపెట్టుకోవాలి. నువ్వులు చల్లారిన తర్వాత పొడి చేసుకుని ఉంచుకోవాలి.
Step 3
ఇప్పుడు ఒక పాత్ర తీసుకుని అందులో కొద్దికొద్దిగా నువ్వులపొడి, కొబ్బరి తురుము, సోంపు, వాము, ధనియాలపొడి, ఇంగువ, కారంపొడిలను బాగా కలుపుకోవాలి.
Step 4
మరోవైపు ఇదివరకు చపాతి పిండిలా కలుపుకుని పక్కన పెట్టుకున్న మైదాపిండిని తీసుకుని.. చిన్నచిన్న పూరీల్లా చేసి.. చాకుతో రెండు భాగాలుగా కోయాలి.
Step 5
ఇలా భాగాలుగా చేసిన అనంతరం ఒక్కోదాంట్లో ఇదివరకు కలుపుకున్న సుగంధద్రవ్యాల మిశ్రమాన్ని 3 టీ స్పూన్లు వేసి.. నీటితో తడుపుతూ చివర్లలో సమోసా షేప్’లో మూసివేయాలి. ఇలా మొత్తం పిండి అయిపోయేంతవరకు చేయాలి.
Step 6
ఇప్పుడు ఒక బాణలి తీసుకుని అందులో కొద్దిగా నూనె వేసి వేడి చేయాలి. వేడయ్యాక అందులో తయారుచేసుకున్న సమోసాలను వేసి బంగారు వర్ణం వచ్చేదాకా వేయించాలి. అంతే! వేడివేడి కొబ్బరి సమోసాలు రెడీ!