rava laddu recipe making tips home made food items

తీపిపదార్థాల్లో ఒకడైన రవ్వలడ్డును పిల్లల నుంచి పెద్దలవరకు ప్రతిఒక్కరు ఎంతో ఇష్టంగా తింటారు. అయితే బయట మార్కెట్లలో కొనడం కంటే ఇంట్లోనే చేసుకుంటే ఎంతో మంచిది. మరి దీన్నెలా తయారుచేస్తారో తెలుసుకుందామా...

Prep Time

30 Minutes
Cooking Time

20 Minutes
Servings

3-5

కావాల్సిన పదార్ధాలు

300 గ్రాములు బొంబాయి రవ్వ
250 గ్రాములు శనగపిండి (వేయించినది)
500 గ్రాములు పంచదార
50 గ్రాములు జీడిపప్పు
250 గ్రాములు నెయ్యి
ఒక చిప్ప ఎండుకొబ్బరి (కోరి వుంచాలి)
6-8 యాలకులు

తయారు చేయు విధానం

Step 1
మొదట స్టౌవ్ మీద ఒక పాన్ పెట్టి అందులో కొద్దిగా నెయ్యి వేసి వేడి చేయాలి. నెయ్యి కాగిన అనంతరం అందులో జీడిపప్పును వేసి వేయించాలి. అలా వేయించిన జీడిపప్పును పక్కన పెట్టుకోవాలి.
Step 2
మిగిలిన నెయ్యిలో రవ్వను వేసి కొద్దిసేపటివరకు ఉడికించుకోవాలి. లైట్ బ్రౌనిష్ కలర్ వచ్చేంతవరకు రవ్వను వేయించిన అనంతరం దానిని పక్కన పెట్టుకోవాలి. ఒకవేళ రవ్వ మొరుముగా వుంటే దంచుకోవాలి.
Step 3
ఇప్పుడు స్టౌ మీద మరో పాత్ర వుంచి.. అందులో కొంచెం నీళ్లు పోసి, పంచదారనూ కలిపి ఉడికించాలి. అది తీగపాకం వచ్చేంతవరకు కలుపుతూ వేయిస్తూనే వుండాలి.
Step 4
అనంతరం ఆ పాకంలో ఇదివరకు వేయించి పక్కన పెట్టుకున్న రవ్వ, జీడిపప్పు మిశ్రమాలతోబాటు శనగపిండి, ఎండుకొబ్బరి, యాలకులను కలిపి.. మొత్తం మిశ్రమాన్ని మిక్స్ చేస్తూ మీడియం మంట మీద వుండలుగా చేసుకోవాలి. అంతే! టేస్టీ రవ్వ లడ్డు రెడీ!