pineapple fried rice recipe making tips healthy food item

సాధారణంగా మార్కెట్లలో గోబీతోగానీ, ఇతర ఆకు-కూరగాయలతో తయారుచేసే ఫ్రైడ్ రైస్’ను అందరూ తినేవుంటారు. అయితే పైనాపిల్ ఫ్రైడ్’రైస్ గురించి మాత్రం అంతగా విని వుండరు. ఈ వంటకం ఎంతో రుచికరంగా వుండటంతోబాటు ఆరోగ్యాన్ని మెరుగుపరుస్తుంది.

ఎందుకంటే.. పైనాపిల్’లో దగ్గు, జలుబు వంటి చిరుజబ్బులను నియంత్రించే గుణాలు పుష్కలంగా వుంటాయి. అంతేకాదు.. జీర్ణక్రియను మెరుగుపరడంతోబాటు ఎముకలకు బలాన్ని చేకూరుస్తుంది. మరి.. ఈ రిసిపీని ఎలా చేస్తారో తెలుసుకుందామా..

Prep Time

30 Minutes
Cooking Time

25 Minutes
Servings

2-5

కావాల్సిన పదార్ధాలు

250 గ్రాములు బాస్మతి రైస్
50-100 గ్రాములు పైనాపిల్ ముక్కలు
50 గ్రాములు బీన్స్ తరుగు
25 గ్రాములు జీడిపప్పు
15 గ్రాములు కిస్’మిస్
15 గ్రాములు కారం
2 టీ స్పూన్లు ఉల్లికాడల తరుగు
1 టీ స్పూన్ పండుమిర్చి తరుగు
1 టీ స్పూన్ వెల్లుల్లి తరుగు
25 మి.లీ. రీఫైన్డ్ ఆయిల్
చిటికెడు పసుపు
రుచికి తగినంత ఉప్పు

తయారు చేయు విధానం

Step 1
బాస్మతి బియ్యాన్ని శుభ్రంగా కడిగిన అనంతరం ఒక పాత్రలో ఆ బియ్యాన్ని తీసుకుని అందులో నీళ్లు పోసి, స్టౌవ్ మీద పెట్టి పలుకగా ఉడికించుకోవాలి. తరువాత కిందకు దించి చల్లార్చుకోవాలి. బియ్యం చల్లారిన అనంతరం కొద్దిగా నూనె వేసి ఆరబెట్టాలి.
Step 2
మరోవైపు పోపు కోసం అన్ని కార్యక్రమాలను సిద్ధం చేసుకోవాలి. ముందుగా స్టౌవ్ మీద ఒక కడాయి పెట్టి.. అందులో తగినంత నూనె వేసి వేడి చేయాలి. వేడయ్యాక అందులో వెల్లుల్లి తరుగు, పండుమిర్చి తరుగు, బీన్స్, క్యారట్ తరుగు తదితర పదార్థాలు వేసి కలుపుకుని.. కొద్దిసేపటి వరకు వేడి చేయాలి.
Step 3
ఇలా పోపు చేసుకున్న అనంతరం ఒక ప్లేటు తీసుకుని అందులో పోపుతోబాటు అన్నం, పైనాపిల్ ముక్కలు, పసుపు, కూరగాయ ముక్కలు, రుచికి తగినంత ఉప్పు కలిపి బాగా కలుపుకోవాలి.
Step 4
ఇలా మొత్తం కలుపుకున్న అనంతరం అందులో ఇదివరకు వేయించిన జీడిపప్పు, కిస్’మిస్, ఉల్లికాడలతో గార్నిష్ చేసుకోవాలి. అంతే! పైనాపిల్ రైస్ రెడీ!