chicken soup recipe making tips winter special food

సాధారణంగా చలిరోజుల్లో చాలామంది వేడివేడిగా వుండే సూప్స్ తాగడానికి ఇష్టపడతారు. అయితే మాంసహారప్రియులు మాత్రం వెజిటేరియన్ సూప్స్ కాకుండా నాన్-వెజ్ సూప్స్ తాగడానికి ఇష్టపడతారు. అటువంటి వారికోసమే ప్రత్యేకమైన చికెన్ సూప్.

హై ప్రోటీన్ గల చికెన్‌ను తీసుకోవడం ద్వా కండరాల పటిష్టతో పాటు ఆరోగ్యమైన శారీరక బరువు కలిగివుంటారని ఆరోగ్య నిపుణులు అంటున్నారు. అందుచేత చికెన్ సూప్‌ను వారానికి రెండు సార్లు.. లేదా ఒక్కసారైనా తీసుకుంటే.. నిత్యం ఆరోగ్యంగా వుండొచ్చు. మరి దీనిని ఎలా చేస్తారో తెలుసుకుందామా...

Prep Time

45 Minutes
Cooking Time

30 Minutes
Servings

1-3

కావాల్సిన పదార్ధాలు

1/2 కేజీ బోన్’లెస్ చికెన్
1 కప్పు పాలకూర తరుగు
1/4 కప్పు క్యారట్ తరుగు
4 నిమ్మకాయలు
చిటికెడు అజినమోటో
1 టీ స్పూన్ పంచదార
2 టీ స్పూన్లు ఉల్లికాడల తరుగు
చిటికెడు మిరియాలపొడి
1/4 కప్పు బీన్స్ తరుగు
1 టీ స్పూన్ వెల్లుల్లి తరుగు
1 టీ స్పూన్ పచ్చిమిర్చి తరుగు
1 టీ స్పూన్ కార్న్ ఫ్లోర్
2 టీ స్పూన్ నూనె
తగినంత ఉప్పు

తయారు చేయు విధానం

Step 1
మార్కెట్ నుంచి తెచ్చుకున్న చికెన్’ను ముక్కలుగా కోసుకుని శుభ్రంగా కడగాలి. అనంతరం ఒక పాత్రలో ఈ ముక్కలతోబాటు నీళ్లు కూడా పోసి.. కొద్దిసేపటివరకు ఉడికించుకోవాలి. తరువాత క్రిందకు దించేసి పక్కన పెట్టుకోవాలి.
Step 2
ఇప్పుడు ఒక పాన్ తీసుకుని అందులో కొద్దిగా నూనె వేసి వేడి చేయాలి. నూనె కాగిన తర్వాత అందులో క్యారెట్, బీన్స్, వెల్లుల్లి, పచ్చిమిర్చి తదితర పదార్థాల తరుగును వేసి.. 5 నిముషాలపాటు వేడి చేయాలి.
Step 3
ఈ మిశ్రమం వేడి అవుతుండగానే.. ఇదివరకు వేడి చేసుకున్న చికెన్ ముక్కలను, నీటిని వేరుగా చేసుకోవాలి. ఇలా వేరు చేసిన అనంతరం ఈ చికెన్ నీళ్లతోబాటు కొద్దిగా పంచదార, పాలకూర తరుగు, మిరియాలపొడి, రుచికి తగినంత ఉప్పును ఇదివరకు వేడిచేసుకున్న తరుగు మిశ్రమంలో వేసి బాగా కలుపుకోవాలి.
Step 4
ఈ మొత్తం మిశ్రమాన్ని కొద్దిసేపటివరకు బాగా ఉడికించిన తరువాత స్టౌవ్ పై నుంచి క్రిందకు దించేయాలి. చివరగా.. అజినమోటో ఆ సూప్’పై వేసి గార్నిష్ చేసుకోవాలి. అంతే.. చికెన్ సూప్ రెడీ!