methi khichdi

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మెంతికూర కిచిడీ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

55 Minutes
Servings

4-6

కావాల్సిన పదార్ధాలు

బియ్యం 4 కప్పులు
పెసరపప్పు 3 కప్పులు
ఉల్లిపాయలు 2 (పెద్దవి)
కరివేపాకు 2 రెబ్బలు
గరం మసాలా 5 గ్రాములు
పచ్చిమిరపకాయలు 6
మెంతికూర 2 పిడికిళ్ళు
కారం తగినంత
నూనె తగినంత
పోపు సామాగ్రి 1 స్పూను
క్యారెట్ దుంపలు 6
బంగాళాదుంపలు 2 (పెద్దవి)
వెన్న తగినంత
ఉప్పు తగినంత

తయారు చేయు విధానం

Step 1
ముందుగా బియ్యం, పెసరపప్పులను శుభ్రంగా కడిగి నీళ్ళలో నానబెట్టుకోవాలి.
Step 2
తరువాత బంగాళాదుంపల్ని చెక్కు తీసి ముక్కలుగా కోసుకోవాలి. తరువాత క్యారెట్, పచ్చిమిరపకాయల్ని శుభ్రంగా కడిగి విడివిడిగా సన్నగా తరగాలి.
Step 3
అలాగే ఉల్లిపాయల్ని సన్నగా తరిగి పక్కన పెట్టుకోవాలి. మెంతికూరను తరిగి సిద్ధంగా వుంచుకోవాలి.
Step 4
తరువాత కుక్కర్లో నూనె పోసి స్టౌ మీద వుంచాలి. నూనె కాగిన తరువాత అందులో ముందుగా పోపు సామాగ్రిని వేసి వేయించాలి.
Step 5
తరువాత కరివేపాకు, ఉల్లిపాయ, పచ్చిమిరపకాయ ముక్కల్ని వేసి వేయించాలి.
Step 6
తరువాత ఇందులో క్యారెట్ దుంపల ముక్కల్ని, బంగాళా దుంప ముక్కల్ని, మెంతికూరను వేసి గరిటెతో కలపాలి.
Step 7
తరువాత ఈ మిశ్రమంలో నీళ్ళలో నానబెట్టిన బియ్యం పెసరపప్పులను నీళ్ళను వార్చి కలపాలి.
Step 8
తరువాత తగినంత నీరు పోసి ఎసరు పెట్టాలి. తరువాత ఇందులో కారం, గరంమసాలా, తగినంత ఉప్పులను కలిపి మూత పెట్టి, రెండు విజిల్స్ వచ్చేంత వరకు స్టౌ మీద ఉండికించి, కిందకు దించుకోవాలి
Step 9
తర్వాత తగినంత వెన్నను ఉడికించిన మిశ్రమంపై జల్లుకోవాలి.
Step 10
దీనితో అద్భుతమైన మెంతి కూర కిచిడీ సిద్ధం.