chicken lollipop recipe making tips special evening snacks

చికెన్’తో తయారుచేసే వివిధ రకాల వంటకాల్లో లాలిపప్ ఒకటి! ఇది తినడానికి ఎంతో రుచిగా, శుచిగా వుంటుంది. దీన్ని తయారుచేయడానికి ఎక్కువ సమయం కేటాయించాల్సిన అవసరం లేదు.. కష్టపడాల్సిన పనిలేదు. దీని తయారీకి కావలసిన పదార్థాలను ముందుగానే సేకరించుకుని.. తక్కువ టైంలో ఎంతో రుచికరమైన ఈ రిసిపీని చేసుకోవచ్చు. మరి దీన్నెలా చేస్తారో తెలుసుకుందామా..

Prep Time

30 Minutes
Cooking Time

45 Minutes
Servings

2-4

కావాల్సిన పదార్ధాలు

12-15 చికెన్ లెగ్ పీసెస్
2-4 నిమ్మకాయలు
1 టేబుల్ స్పూన్ బియ్యం పిండి
1 టేబుల్ స్పూన్ మిరియాల పొడి
1 టేబుల్ స్పూన్ మిరప పొడి
2 టేబుల్ స్పూన్ కార్న్ ఫ్లోర్
2 టేబుల్ స్పూన్ అల్లంవెల్లుల్లి పేస్ట్
వంటకానికి తగినంత నూనె
రుచికి తగినంత ఉప్పు

తయారు చేయు విధానం

Step 1
చికెన్ లెగ్ పీసులను శుభ్రంగా కడిగేసుకోవాలి. తర్వాత కత్తితో రెండుమూడు సార్లు తేలిగ్గా కోసుకోవాలి. అనంతరం ఒక నిమ్మకాయ రసాన్ని ఆ పీసులకు పట్టించి.. కొద్దిసేపటి వరకు నానబెట్టాలి.
Step 2
ఇలా నిమ్మరసంతో నానిన లెగ్ పీసులకు కార్న్’ఫ్లోర్, ఉప్పుతోబాటు మరొక నిమ్మకాయ రసాన్ని పట్టించాలి. అలాగే మిరపపొడి, అల్లం వెల్లుల్లి పేస్ట్, మిరియాల పొడి చేర్చాలి.
Step 3
ఈ విధంగా మసాలా పట్టించిన ఆ లెగ్ పీసులను ఓ ఐదు గంటలపాటు పక్కన పెట్టేయాలి.
Step 4
అనంతరం స్టౌవ్ మీద ఒక పాత్రను పెట్టి అందులో నూనె వేసి వేడి చేసుకోవాలి. నూనె కాగిన తర్వాత అందులో ఇదివరకు మసాలాలో నానిన లెగ్ పీసులను దోరగా వేయించాలి.
Step 5
దోరగా వేయించిన పీసులను బయటకు తీసి.. వాటికి కాస్త నిమ్మరసాన్ని పట్టించుకుని సర్వ్ చేసుకోవచ్చు. అంతే!