Zingiber tea recipe making tips cold prevent food

ప్రతిఒక్కరికి అప్పుడప్పుడు చిరుజబ్బులు రావడం సహజం. అయితే ఆ జబ్బుల్లో జలుబు మాత్రం అంత సామాన్యంగా వీడదు. కనీసం ఓ వారం రోజుల వరకు పట్టిపీడుస్తూనే వుంటుంది. ఎన్ని మందులు వాడినా.. ఎన్ని ప్రయోగాలు చేసినా.. జలుబు మాత్రం పోదు. అయితే దాని సమస్య నుంచి బయటపడాలంటే శొంఠి కాఫీ చాలా బెస్ట్!

ముందుగా శొంఠి గురించి కొన్ని విషయాలు తెలుసుకుందాం.. ఇది జీర్ణశక్తికి బాగా పని చేస్తుంది. అలాగే కడుపులో నులిపురుగుల నివారణకు ఇది ఉపకరిస్తుంది. తలనొప్పి వస్తే.. శొంఠి నీటిలో అరగదీసి కణతలకు, నుదురుకు పట్టిస్తే... వెంటనే ఉపశమనం కలుగుతుంది. అటువంటి శొంఠితో కాఫీ చేసుకుని తాగితే.. జలుబు నుంచి కూడా త్వరగా ఉపశమనం లభిస్తుంది. మరి దీన్నేలా చేస్తారో తెలుసుకుందామా...

Prep Time

20 Minutes
Cooking Time

10 Minutes
Servings

1-2

కావాల్సిన పదార్ధాలు

50 గ్రాములు శొంఠి
5 ఏలకలు
50 గ్రాములు బెల్లం
1 కప్పు పాలు

తయారు చేయు విధానం

Step 1
ముందుగా ఒక మిక్సీ జార్’లో శొంఠి, ఏలకులను విడివిడిగా వేసి.. పౌడర్’లా గ్రైండ్ చేసుకోవాలి.
Step 2
తర్వాత ఒక పాత్ర తీసుకుని అందులో ఒక కప్పు నీరు పోసి.. అందులో శొంఠి, ఏలకలు పొడిని వేసి కలుపుకోవాలి. బెల్లం కూడా తగినంతగా వేసి మిక్స్ చేయాలి.
Step 3
ఇలా మొత్తం కలిపిన ఈ మిశ్రమం పాత్రను స్టౌ మీద పెట్టి కొద్దిసేపటివరకు మరిగించుకోవాలి. బాగా మరిగిన తరువాత పాత్రను కిందకు దించుకుని, ఫిల్టర్ చేసుకోవాలి.
Step 4
మరో పాత్రలో తగినంత పాలు వేసుకుని కాచుకోవాలి. ఇప్పుడు ఈ పాలలో ఇదివరకు ఫిల్టర్ చేసుకున్న శొంఠి మిశ్రమ నీటిని కలుపుకోవాలి. అంతే! శొంఠి కాఫీ రెడీ!