chocolate banana milk shake making healthy food recipe

చాక్లెట్, అరిటిపళ్ల మిశ్రమంతో తయారయ్యే ఈ మిల్క్ షేక్ చాలా రుచిగా, శుచిగా వుంటుంది. అంతేకాదు.. ఇది ఆరోగ్యాన్ని మెరుగుపరుస్తుంది కూడా! చాక్లెట్, అరిటిపళ్లు, పాలలో వున్న పోషక విలువులు శరీర ఆరోగ్యాన్ని మరింతగా మెరుగుపరిచి, చురుకుగా వుండేందుకు సహకరిస్తాయి. ముఖ్యంగా గుండె సంబంధిత వ్యాధుల నుంచి దూరంగా వుంచుతాయి. శరీరంలోని వేడిని బయటికి పంపివేసి, కూల్’గా వుండేలా చేస్తుందీ మిల్క్ షేక్! మరి దీనిని ఎలా చేస్తారో తెలుసుకుందామా...

Prep Time

15 Minutes
Cooking Time

15 Minutes
Servings

2-6

కావాల్సిన పదార్ధాలు

1 లేదా 2 అరటిపళ్లు
1-2 చాక్లెట్ బార్ (అదనపు ఆహారపదార్థాలు లేకుండా వుండేది)
1 కప్ పాలు
రుచికి సరిపడేంత పంచదార

తయారు చేయు విధానం

Step 1
ముందుగా తీసుకున్న అరటిపళ్లతో గుజ్జు తయారుచేసుకోవాలి. గుజ్జును ఫోర్క్ లేదా చేతులతో చేయొచ్చు. అయితే దీనిని చేసేటప్పుడు చేతులను శుభ్రంగా కడిగేసుకుంటే మంచిది.
Step 2
సాధారణ చాక్లెట్ బార్ తీసుకుని దానిని మైక్రోవేవ్ ఓవెన్’లో పెట్టి అది ద్రవంగా మారే వరకు కరిగించాలి.
Step 3
అలా చాక్లెట్’ను కరిగించిన తర్వాత దానిని అరటిపండు గుజ్జుతో కలుపుకోవాలి. అలాగే ఈ మిశ్రమానికి రుచికి తగినంత పంచదారను కలుపుకోవాలి. చివరగా అందులో పాలు కలుపుకోవాలి. అంతే! బనానా మిల్క్ షేక్ రెడీ!