pesara pappu moong dal recipe making andhra special food

దేశంలోని ఆయా ప్రాంతాల్లో కొన్ని వంటకాలు ప్రత్యేకమైనవి వుంటాయని అందరికీ తెలిసిందే! మరికొన్ని ప్రాంతాలైతే వంటకాలతోనే బాగా అభివృద్ధి చెంది వుంటాయి. అందులో భాగంగానే పెసరపప్పు ఆంధ్రావాళ్లకు స్పెషల్ రిసిపీ! దీనిని ప్రతిరోజూ వండుకుని వాళ్లు తింటారు.

ఇక రిసిపీ విషయానికొస్తే.. అన్ని రిసిపీలలోకన్నా ఇది ఎంతో రుచికరంగా వుంటుంది. సాధారణ పప్పుకంటే ఇది కాస్త డిఫరెంట్’గా వుంటుంది. సింధి స్టైల్లో తయారుచేసే ఈ వంటకాన్ని ఎంతో సులువగా చేయొచ్చు. ఎక్కువ ఫ్లేవర్స్ లేకుండా అనతికాలంలోనే వండేయొచ్చు. ముఖ్యంగా మధ్యాహ్నం భోజనాల్లో ఇది ఎంతో రుచికరంగా అనిపిస్తుంది.

ఇకపోతే.. ఇందులో మానవ శరీరానికి అవసరమయ్యే ప్రోటీనులు ఎక్కువ మోతాదులో వుంటాయి. తద్వారా ఇది తిన్నప్పుడు శరీరంలో శక్తి పెరుగుతుంది. అటు రుచిగానూ, ఇటు ఆరోగ్యపరంగా ఉపయోగపడే ఈ వంటకాన్ని ఎలా తయారుచేస్తారో తెలుసుకుందాం...

Prep Time

40 Minutes
Cooking Time

45 Minutes
Servings

4-7

కావాల్సిన పదార్ధాలు

2 కప్స్ పెసరపప్పు (నానబెట్టుకోవాలి)
2 - 4 టొమాటోలు (మెత్తని గుజ్జులా చేసుకోవాలి)
2 టేబుల్ స్పూన్స్ అల్లం (తరిగి పెట్టుకోవాలి)
2 - 4 పచ్చిమిర్చి
2 టేబుల్ స్పూన్స్ కొత్తిమీర తరుగు
2 టేబుల్ స్పూన్స్ జీలకర్ర
1/4 కప్ పసుపు
2 టేబుల్ స్పూన్స్ నూనె
2 రెమ్మలు కరివేపాకు
రుచికి సరిపడా ఉప్పు
చిటికెడు ఇంగువ

తయారు చేయు విధానం

Step 1
ముందుగా పెసరపప్పును బాగా కడిగి.. అరగంటపాటు నానబెట్టుకోవాలి.
Step 2
ఒక పాత్ర తీసుకుని అందులో నానబెట్టిన పప్పును వేసి, సరిపడా నీళ్లు పోసి 10 నిముషాలవరకు ఉడికించుకోవాలి. అనంతరం పచ్చిమిర్చి, అల్లం, పసుపు, ఉప్పు తదితర పదార్థాలు అందులోనే మిక్స్ చేసి మరో అరగంటపాటు ఉడికించుకోవాలి.
Step 3
పప్పు పూర్తిగా ఉడికిన తర్వాత హ్యాండ్ బ్లెండర్ (పప్పు కట్టి)తో మెత్తగా పేస్టులా మ్యాష్ చేయాలి. అలా చేసిన తర్వాత అందులో టొమాటో గుజ్జు, కొత్తిమీర తరుగు వేసి బాగా కలుపుకోవాలి. ఈ మిశ్రమాన్ని 10నిముషాలపాటు ఉడికించుకోవాలి.
Step 4
మరోవైపు ఒక పాన్ తీసుకుని అందులో కొద్దిగా నూనె వేసి వేడి చేయాలి. వేడయ్యాక అందులో జీలకర్ర, ఇంగువ, కరివేపాకు తదితర పదార్థాలు వేసి బాగా వేడి చేసుకోవాలి.
Step 5
ఆ పోపు వేడయిన అనంతరం అందులో ఇదివరకే మ్యాష్ చేసుకున్న పప్పును మొత్తం వేసి, కలగలుపుకోవాలి. చివరగా కొత్తిమీర తరుగును గార్నిష్ చేయాలి. అంతే.. ఈ విధంగా రుచికరమైన సింధు మూంగ్’దాల్ రిసిపీ చేసుకుని, సర్వ్ చేసుకోవచ్చు.