carrot tomato chutney recipe making healthy food snacks

టొమాటో, క్యారెట్లు ఆరోగ్యానికి ఎంతో మంచివని ఇదివరకే విని వుంటారు. వీటిలో మానవ శరీరానికి కావలసిన పోషకపదార్థాలు ఎక్కువ మోతాదులో వుంటాయి. ఇక ఆహార విషయానికి వస్తే.. ఈ రెండింటి మిశ్రమంతో కూడిన చట్నీని తయారుచేసుకుంటే.. ఎంతో మధురమైన టేస్టీని కలిగి వుంటుంది. భోజనంలో కలిపి ఈ చట్నీని తీసుకుంటే ఆ ఆహారానికి మంచి టేస్టును జోడించడంతోబాటు ఆరోగ్యానికి ఎంతో మేలు చేస్తుంది. ఈ రకమైన వంటకాలు ప్రతిరోజు చేసుకోవడం ఎంతో శ్రేయస్కరం.

Prep Time

25 Minutes
Cooking Time

20 Minutes
Servings

4-6

కావాల్సిన పదార్ధాలు

4 లేదా 5 టమోటోలు
1 లేదా 2 క్యారెట్స్ (చిన్న ముక్కలుగా కట్ చేసుకోవాలి)
6 లేదా 8 పచ్చిమిర్చి
కొద్దిగా చింతపండు (నీళ్లలో నానబెట్టి పెట్టుకోవాలి)
1 టేబుల్ స్పూన్ జీలకర్ర
4 లేదా 6 వెల్లుల్లిపాయలు
కొద్దిగా కొత్తిమీర తరుగు (సన్నగా కట్ చేసుకోవాలి)
రుచికి సరిపడా ఉప్పు
సరిపడా నూనె (ఫ్రై చేసుకోవడానికి)

తయారు చేయు విధానం

Step 1
ఒక ఫ్రైయింగ్ పాన్’ను స్టౌవ్ మీద పెట్టి.. అందులో నూనె వేసి బాగా వేడిచేసుకోవాలి.
Step 2
నూనె బాగా వేడైన తర్వాత అందులో టమోటో, పచ్చిమిర్చి వేసి బాగా వేగించుకోవాలి.
Step 3
మొత్తం మిశ్రమం బాగా వేడెక్కిన తర్వాత స్టౌవ్ ఆపేసి.. తర్వాత కొద్దిసేపటి వరకు చల్లారనివ్వాలి.
Step 4
మిశ్రమమంతా చల్లారిన తర్వాత ఒక మిక్సీ జార్’లో వేసి మెత్తగా పేస్ట్’లాగా చేసుకోవాలి.
Step 5
ఈ పేస్టును ఒక బౌల్లో వేసి.. అందులో సన్నగా తిరిగి పెట్టుకున్న క్యారెట్ ముక్కలను వేసి బాగా మిక్స్ చేసుకోవాలి.
Step 6
మిక్స్ చేసిన అనంతరం అందులో చివరగా కొత్తిమీద తరుగును గార్నిష్ చేయాలి.
Step 7
అంతే.. ఈ విధంగా టొమోటా చట్నీని తయారుచేసుకొని సర్వ్ చేసుకోవచ్చు.