Eggless Vannila cake recipe making birthday special food item

చాలావరకు కేక్స్’లలో గుడ్లను వాడటం సహజం. అయితే కొంతమంది గుడ్డులేని కేకులను మాత్రమే తినడానికి ఇష్టపడతారు. గుడ్లు లేకపోవడం వల్ల ఆ కేకులో ప్రత్యేకమైన రుచిని కలిగి వుండటంతోబాటు వెజిటేరియన్లు ఎక్కువగా గుడ్లను కూడా తినరు కాబట్టి.. ఇటువంటి ఎగ్’లెస్ కేకులను ఇష్టపడతారు.

ఇక కేక్’ల విషయానికొస్తే.. ఇవి ఎన్నోరకాలు వుంటాయి. అలాంటివాటిల్లో వెనీలా కూడా ఒకటి. ఇది చాలా టేస్టీగా వుండే కేక్. ఇంకా ఎగ్’లెస్ కేక్ అయితే కాస్త వెరైటీ రుచిని కలిగి వుంటుంది. మరి.. ఎగ్’లెస్ వెనీలా కేక్’ను ఎలా చేస్తారో తెలుసుకుందామా..

Prep Time

45 Minutes
Cooking Time

40 Minutes
Servings

5-10

కావాల్సిన పదార్ధాలు

500 గ్రాములు మిల్క్ మెయిడ్
350 మి.లీ. పాలు
200 గ్రాములు వైట్ బటర్
150 గ్రాములు మైదాపిండి
10 గ్రాములు బేకింగ్ పౌడర్
15 గ్రాములు చక్కెర
5 గ్రాములు వంటసోడా
10 మి.లీ. వెనీలా ఎసెన్స్

తయారు చేయు విధానం

Step 1
ఒక పాత్ర తీసుకుని అందులో మైదాపిండి, వంటసోడా, బేకింగ్ పౌడర్ తదితర పదార్థాలు కలిపి జల్లించుకోవాలి.
Step 2
అనంతరం ఈ మైదా మిశ్రమానికి మిల్క్ మెయిడ్, పాలు, వెనీలా ఎసెన్స్, చక్కెర, వైట్ బటర్ మిగిలినవి కలిపి చిక్కగా చేసుకోవాలి. (కేక్ మిశ్రమంలా కలపాలి)
Step 3
మరోవైపు మైక్రోవేవ్ ఓవెన్’ను ముందుగానే 150 డిగ్రీల సెల్సియస్ ఉష్ణోగ్రత వద్ద వేడి చేసి వుంచుకోవాలి.
Step 4
తర్వాత ఇదివరకే కలుపుకున్న కేక్ మిశ్రమాన్ని ఒక పాత్రలో పెట్టి.. ఎక్కువ ఉష్ణోగ్రతలో వుంచిన ఓవెన్’లో 20 నిముషాలపాటు బేక్ చేయాలి.
Step 5
అలా బేక్ చేసిన అనంతరం ఆ కేక్’ను బయటికి తీసి.. కొద్దిసేపటివరకు చల్లార్చాలి. అంతే! ఎగ్’లెస్ వెనీలా కేక్ రెడీ!