plum cake recipe making birthday festivals special food for guests

వివిధ రకాల పద్ధుతుల్లో కేకులను ఎన్నోవిధాలుగా తయారుచేసుకోవచ్చు. అందులో ఈ ప్లమ్ కేక్ ఒకటి. ఇది ఎంతో టేస్టీగా, తియ్యగా, రుచికరంగా వుంటుంది. దీనిని కేవలం బర్త్’డే సందర్భంగానే కాదు.. పండుగ సందర్భాల్లో కూడా ప్రత్యేకంగా తయారుచేసి అతిథులకు పంచిపెట్టవచ్చు.

ఈ రకమైన కేకులను బయటినుంచి ఆర్డర్ చేయించి తెప్పించుకోవడం కన్నా.. ఇంట్లోనే చేసుకోవడం మంచిది. ఆరోగ్యపరంగా కావలసిన పదార్థాలను తగిన మోతుదాలో జోడించి తయారుచేసుకుంటే.. రుచితోబాటు ఆరోగ్యంగా మెలగొచ్చు. మరి ఈ కేక్’ని ఎలా చేస్తారో తెలుసుకుందాం...

Prep Time

25 Minutes
Cooking Time

20 Minutes
Servings

10-20

కావాల్సిన పదార్ధాలు

1 - 2 కప్స్ మైదా
2 టీ స్పూన్స్ చెర్రీస్ (సగం గార్నిష్ కోసం)
2 టీ స్పూన్స్ వాల్నట్ (తరిగినవి)
3 టీ స్పూన్స్ ఎండుద్రాక్ష
1 టీ స్పూన్ లెమన్ జస్ట్
1/2 టీ స్పూన్ బేకింగ్ పౌడర్
1 కప్ బ్రౌన్ పంచదార
3 - 4 చుక్కలు వెనిలా ఎసెన్స్
3 గుడ్లు
1/2 కప్ వెన్న (మెత్తగా)

తయారు చేయు విధానం

Step 1
ముందుగా ఓవెన్’ను 160 డిగ్రీల ఉష్ణోగ్రతలో వుంచాలి. (ఓవెన్ తప్పనిసరి)
Step 2
ఒక బౌల్ తీసుకుని అందులో మైదా, బేకింగ్ పౌడర్ కలుపుకోవాలి. అనంతరం అందులోనే వాల్ నట్స్, ఎండుద్రాక్ష వేసి మిక్స్ చేయాలి.
Step 3
మరొక బౌల్ తీసుకుని అందులో బట్టర్, బ్రౌన్ షుగర్ వేసి... క్రీమ్’గా తయారయ్యేవరకూ బాగా మిక్స్ చేయాలి. తర్వాత అందులోనే వెనీలా ఎస్సెన్స్, గుడ్డు, లెమన్ జస్ట్ వేసి కలుపుకోవాలి.
Step 4
ఇలా కలుపుకున్న అనంతరం ఇందులో ఇదివరకే మిక్స్ చేసి పెట్టుకున్న మైదా, బేకింగ్ సోడా మిశ్రమాన్ని వేసి, బాగా కలియబెట్టాలి.
Step 5
తర్వాత కేక్ టిన్’ను తీసుకుని దానికి బట్టర్ అప్లై చేయాలి. అనంతరం పైన తయారుచేసుకున్న కేక్ మిశ్రమాన్ని ఆ టిన్’లో పోయాలి. మొత్తం మిశ్రమాన్ని 20 నిముషాలపాటు బేక్ చేసిన తర్వాత చల్లార్చాలి. అంతే! ప్లమ్ కేక్ రెడీ!