badam ka halwa sweet recipe making

తీపి పదార్థాలంటే ఎవరికి ఇష్టముండదు చెప్పండి! చిన్నిపిల్లల నుంచి పెద్దలవరకు స్వీట్ పదార్థాలను ఎంతో అమితంగా తింటారు. ముఖ్యంగా భోజనం అయిపోయిన వెంటనే స్వీట పదార్థం తప్పనిసరి! ఈ తీపి పదార్థాలను ఏ విధంగానైనా తయారుచేసుకోవచ్చు. సాధారణంగా మార్కెట్లలో లభించే స్వీట్లకంటే.. ఇంట్లో తయారుచేసుకుని తినడమే ఎంతో శ్రేయస్కరం.

సాధారణంగా ఇళ్లలో సెమియాలు, రవ్వ, బియ్యం తదితర పదార్థాలతో స్వీట్ చేస్తారు. ఇతర పదార్థాలు ఎలా చేయాలనే అవగాహన వుండదు కాబట్టి.. వారికి వేరే ఆప్షన్ వుండదు. కానీ ఇక్కడ బాదాం కా హల్వా ఎలా తయారుచేస్తారో అందుకు తగిన టిప్స్ మీకోసం..

Prep Time

20 Minutes
Cooking Time

25 Minutes
Servings

2-4

కావాల్సిన పదార్ధాలు

1/2 కప్ బాదం (రాత్రంతా నానబెట్టి గ్రైండ్ చేయాలి)
1/2 లేదా రుచికి సరిపడా పంచదార
1 కప్ పాలు
1/2 కప్ నెయ్యి
కొద్దిగా కుంకుమ పువ్వు (పాలలో నానబెట్టుకోవాలి)

తయారు చేయు విధానం

Step 1
ఒక డీప్ బాటమ్ పాత్రను తీసుకుని అందులో కొద్దిగా నెయ్యి వేసి దానిని ఆ పాత్రలో మొత్తం స్ర్పెడ్ చేయాలి. (హల్వా పాన్’కు అంటుకోకుండా వుండేందుకు ఇలా చేయాలి). తర్వాత అందులో కొద్దిగా నీళ్లు పోసి వేడి చేయాలి. అనంతరం స్టౌవ్ ఆఫ్ చేసి అందులో పంచదార వేసి, కరిగేవరకు కలియబెట్టాలి.
Step 2
అలా పంచదారకు కరిగించిన తర్వాత అందులోనే బాదం పేస్ట్, పాలు, కుంకుమపువ్వు వేసి, మీడియం మంట మీద ఉడికించాలి. మొత్తం మిశ్రమాన్ని ఎప్పటికప్పుడు కలియబెడుతూనే వుండాలి. లేకపోతే మిశ్రమం పాత్రకు అడుగుభాగాన అంటుకోవచ్చు.
Step 3
ఇలా ఉడకబెడుతున్నప్పుడు పాత్రకు చివరిభాగంలో డ్రై అవుతున్నట్లు కనిపిస్తుంది. అప్పుడు అందులో ఇంకా నెయ్యి పోసి, మరో 10 నిముషాలవరకు వేగించాలి. కొద్దిసేపటి తర్వాత నెయ్యిని పూర్తిగా హల్వా గ్రహిస్తుంది. అప్పుడు స్టౌవ్ ఆఫ్ చేసేయాలి. కొద్దిసేపటి వరకు చల్లారిస్తే చాలు.. బాదం హల్వా రెడీ!