chicken mushroom soup winter special healthy recipe

మారుతున్న వాతావరణ పరిస్థితులకు అనుగుణంగా మానవ శరీరానికి చిరుజబ్బులు వస్తుండటం, పోతుండటం సర్వాసాధారణమే! కాలానికి తగ్గట్టు జలుబు, దగ్గు, నొప్పులు, ఇంకా ఇతరత్ర చిరువ్యాధులు వస్తుంటాయి. అయితే అటువంటి వ్యాధుల బారిన పడకుండా జాగ్రత్తగా వుండాలంటే మెడిసిన్లతోబాటు ఆహారంలో కొన్ని మార్పులు చేసుకోవాల్సి వుంటుంది. అంటే.. శరీర ఆరోగ్యాన్ని మెరుగుపరిచే పోషకాహారాలు ఏంటో తెలుసుకుని తింటే చాలా మంచిది.

ఇక చలికాలం వస్తే.. పరిస్థితులు ఎలా వుంటాయో ప్రత్యేకంగా చెప్పాల్సిన అవసరం లేదు. అన్నిరకాల చిరుజబ్బులు నీడలా మనల్ని వెంటాడుతూనే వుంటాయి. మరి వాటినుంచి సురక్షితంగా వుండాలంటే అందుకు ‘చికెన్ మష్రూమ్ సూప్’ ఎంతో శ్రేయస్కరం. ఇది చిరుజబ్బుల నుంచి దూరంగా వుంచడంతోబాటు మరింత ఆరోగ్యంగా, సౌష్టవంగా వుండేలా చేస్తుంది. శరీరంలో శక్తిసామర్థ్యల స్థాయిని పెంచుతుంది. పైగా రుచికరంగా వుంటుంది. మరి దీనిని ఎలా తయారుచేస్తారో తెలుసుకుందాం...

Prep Time

30 Minutes
Cooking Time

30 Minutes
Servings

1

కావాల్సిన పదార్ధాలు

250 గ్రాములు చికెన్ (ఎముకలు లేని)
5 కప్స్ చికెన్ స్టాక్ (చికెన్ ఉడికించిన నీళ్లు)
10 మష్రుమ్ (ఒక్కొక్కటి రెండుగా కట్ చేయాలి)
5 ఉల్లిపాయలు (కట్ చేసుకోవాలి)
5 తులసి
3 - 4 పచ్చిమిర్చి
ఒక చిన్నముక్క అల్లం (సన్నగా తరగాలి)
11 - 12 మిరియాలు (పొడిగా చేయాలి)
1 టీ స్పూన్ బటర్
రుచికి తగినంత ఉప్పు
కొద్దిగా కొత్తిమీర తరుగు

తయారు చేయు విధానం

Step 1
బోన్’లెస్ చికెన్ ముక్కలను శుభ్రంగా కడిగేసుకోవాలి. అనంతరం ఒక కుక్కర్ తీసుకుని అందులో చికెన్ ముక్కలతోబాటు తగినంత నీళ్లు పోసి, 2 లేదా 3 విజిల్స్ వచ్చేంతవరకు ఉడికించుకోవాలి. తర్వాత స్టౌవ్ ఆఫ్ చేసి కుక్కర్’ను కిందకు నుంచి అందులోని ఆవిరిని పూర్తిగా తగ్గించేయాలి. తర్వాత అందులోని చికెన్ సూప్’ను, చికెన్ ముక్కలను వేరువేరుగా తీసి పెట్టుకోవాలి.
Step 2
ఒక పాత్ర తీసుకుని అందులో కొద్దిగా బటర్ వేసి వేడి చేయాలి. ఆ బటర్ మొత్తం కరిగిన తర్వాత అందులో పెప్పర్ పౌడర్ వేసి ఫ్రై చేయాలి. అనంతరం అందులోనే కట్ చేసిన ఉల్లిపాయ ముక్కలను వేసి, అవి బ్రౌన్ కలర్’లోకి వచ్చేంతవరకు ఉడికించాలి. కలర్ మారిన తరువాత మష్రుమ్ ముక్కలు వేసి మీడియం మంటమీద ఫ్రై చేయాలి.
Step 3
అలా వేడిచేసిన తర్వాత అందులోనే అల్లం తురము, పచ్చిమిర్చి, గ్రీన్ ఆనియన్ (ఉల్లికాడలు) తరుగు వేసి మిక్స్ చేయాలి. చికెన్ ముక్కులకు బాగా కలగలిపేలా కలుపుతూ ఫ్రై చేయాలి. అనంతరం అందులోనే ఇదివరకు తీసపెట్టుకున్న చికెన్ స్టాక్ (సూప్), రెండు కప్పుల నీళ్లు, ఉప్పు, జోడించి.. కొత్తిమీర తరుగుతో గార్నిష్ చేయాలి. ఈ మొత్తం మిశ్రమాన్ని 10 నిముషాలవరకు ఉడికించి స్టౌవ్ ఆఫ్ చేయాలి. అంతే.. చికెన్ మష్రుమ్ సూప్ రెడీ!