radish fry recipe cooking tips special side dish

ముల్లంగి వేపుడును భోజనంలో సైడ్ డిష్’గా తీసుకుంటారు. సాధారణంగా తీసుకునే ఆహారంలో దీన్ని జోడిస్తే.. ప్రత్యేకమైన రుచిని ఆస్వాదించవచ్చు. దీని తయారీ విధానం కూడా చాలా సింపుల్’గానే వుంటుంది. పైగా తక్కువ సమయంలోనే ముగించేయొచ్చు. మరి దీన్నెలా చేస్తారో తెలుసుకుందామా...

Prep Time

20 Minutes
Cooking Time

15 Minutes
Servings

3-4

కావాల్సిన పదార్ధాలు

5-10 ముల్లంగి
3 టీ స్పూన్స్ కారం
1 టీ స్పూన్ ధనియాలపొడి
1 టీ స్పూన్ జీలకర్రపొడి
రుచికి సరిపడేంత ఉప్పు
తాలింపుకు సరిపడా నూనె

తయారు చేయు విధానం

Step 1
ముల్లంగి దుంపల పొట్టు తీసి శుభ్రంగా కడిగేసుకుని, సన్నగా తరుక్కోవాలి. తర్వాత ఈ ముక్కల్ని ఉప్పు నీటిలో వేసి శుభ్రంగా మరోసారి కడిగేసుకోవాలి.
Step 2
ఒక బాణలి తీసుకుని అందులో కొద్దిగా నూనె పోసి వేడి చేయాలి. నూనె కాగిన తర్వాత అందులో ముల్లంగి ముక్కల్ని వేసి.. మీడియం మంట మీద వేయించాలి. అలాగే తగినంత ఉప్పు కూడా వేయాలి.
Step 3
ముల్లంగి ముక్కలు బాగా ఉడికి మెత్తబడిన తర్వాత కారం, జీలకర్రపొడి, ధనియాలపొడి వేసి.. కొద్దిసేపటివరకు వేయించి తర్వాత క్రిందకు దించేయాలి. అంతే! ముల్లంగి వేపుడు రెడీ!