cabbage pepper soup recipe making low fat content

ఎక్కువ లావుగా వున్నవాళ్లు తమ శరీర బరువును తగ్గించుకోవడానికి ఎన్నోరకాల ప్రయత్నాలు చేస్తుంటారు. ప్రతిరోజూ ఉదయాన్నే లేవగానే వాకింగ్, జాగింగ్, ఎక్సర్’సైజ్, జిమ్’కి వెళ్లడం లాంటి కార్యక్రమాలు చేస్తారు. ఇలా చేయడం మంచిదేకానీ.. అప్పుడప్పుడు అలసటతో ఆరోగ్యకరమైన ఇబ్బందులను ఎదుర్కోవలసి వస్తుంది.

అలా కాకుండా ఆహారపదార్థాల్లో కాస్త మార్పులు తెచ్చుకుని, రోజూ వాటిని సేవిస్తే.. త్వరితంగా మార్పును గమనించవచ్చు. ఇందుకు చాలానే ఆహారాలు అందుబాటులో వున్నాయి. అటువంటివాటిలో క్యాబేజ్ పెప్పర్ సూప్ ఒకటి! ఈ సూప్’ను రోజూ సమయానుకూలంగా తాగితే.. బరువును కంట్రోల్’లో వుంచుకోవచ్చు.

క్యాబేజ్, పెప్పర్ మిశ్రమంతో తయారయ్యే ఈ సూప్’లో ఎన్నో పోషక విలువలు వుంటాయి. ముఖ్యంగా స్థూలకాయాన్ని తగ్గించే లక్షణాలు అధికంగా వుంటాయి. అలాగే జలుబు, దగ్గు, ఇంకా ఇతర చిన్న వ్యాధులు కూడా దూరమవుతాయి. ఇంతటి ఆరోగ్యకరమైన ఈ సూప్’ను ఎలా తయారుచేస్తారో తెలుసుకుందాం...

Prep Time

20 Minutes
Cooking Time

10 Minutes
Servings

1

కావాల్సిన పదార్ధాలు

1 క్యాబేజ్ (సన్నగా తరిగి పెట్టుకోవాలి)
2 క్యారెట్ (పైన పొట్టు మొత్తం తీసేసి, సన్నగా కట్ చేసుకోవాలి)
2 ఉల్లిపాయలు (సన్నగా కట్ చేయాలి)
1 టేబుల్ స్పూన్ బ్లాక్ పెప్పర్
1/2 టేబుల్ స్పూన్ కార్న్ ఫ్లోర్
1 టేబుల్ స్పూన్ బట్టర్
రుచికి తగినంత ఉప్పు

తయారు చేయు విధానం

Step 1
వెజిటేబుల్స పదార్థాలయిన క్యాబేజ్, క్యారెట్, ఉల్లిపాయలను ముందుగా నీటిలో వేసి శుభ్రంగా కడగాలి. అనంతరం వాటిన్నింటిని చిన్న ముక్కలుగా తరిగి పక్కన పెట్టుకోవాలి.
Step 2
మరోవైపు స్టౌవ్ మీద ప్రెజర్ కుక్కర్ పెట్టి అందులో తగినంత నీళ్లు పోసి ఉడికించాలి. అనంతరం అందులో ఇదివరకే తరిగి పెట్టుకున్న క్యాబేజ్, క్యారెట్, ఉల్లిపాయ ముక్కలను వేసి కొద్దిసేపటివరకు బాగా వేగించాలి. బాగా వేడెక్కిన తర్వాత కుక్కర్ మూత తీసేసి ఆవిరి మొత్తాన్ని తీసేయాలి.
Step 3
అది అలా వుండగా.. ఒక ఫ్రైయింగ్ పాన్ తీసుకుని అందులో లోబటర్ వేసి వేడిచేయాలి. అది వేడెక్కుతుండగానే అందులో ఇదివరకే వేడిచేసుకున్న కూరగాయ ముక్కలతో సహా సూప్ కూడా పోయాలి. అనంతరం అందులోనే బ్లాక్ పెప్పర్, ఉప్పు కలిపి బాగా కలియబెట్టాలి.
Step 4
ఇలా చేసిన తర్వాత అందులో కార్న్ ఫ్లోర్ కలిపితే మంచిది. అది సూప్ ఉండలు కట్టకుండా, చిక్కగా వుండేలా చేస్తుంది. అంతే.. ఈ విధంగా క్యాబేజ్ సూప్’ను రెడీ చేసి, సర్వ్ చేసుకోవచ్చు.