crispy fish fry recipe making kerala style healthy food

కొన్ని మసాలా దినుసులను ఉపయోగించి తయారుచేసే ఈ ఫిష్ ఫ్రై ఎంతో టేస్టీగా, క్రిస్పీగా, నోరూరించే విధంగా వుంటుంది. ఎవరైనా సరే.. దీనిని తినకుండా వుండలేరు. ఇక చేపలు ఆరోగ్యానికి మంచిదని అందరికీ తెలిసే వుంటుంది.

నిత్యం చేపలను తింటే కంటిసమస్యలు రాకుండా వుంటాయి. అలాగే ఎముకలు బలంగా తయారవుతాయి. శరీరంలో నిల్వవుండే అనవసరమైన కొవ్వు పదార్థాలు కూడా చాలావరకు కరిగిపోతాయి. జీర్ణవ్యవస్థ ఎంతో మెరుగుగా పనిచేస్తుంది. ఇన్ని ఆరోగ్య లక్షణాలు గల ఈ చేపలతో రకరకాల రిసిపీలను తయారుచేసుకుని తింటే ఎంతో మంచిది.

సాధారణంగా ఒక్కొక్క ప్రాంతంలో ఒక్కొక్కరకమైన వంటకాలను తయారుచేస్తారు. ఇక్కడ చేపలనే ఉదాహరణగా తీసుకుందాం.. ఆయా ప్రాంతాలతో పోలిస్తే ఈ చేపలతో చేసే కర్రీలు ఎంతో ప్రత్యేకంగా వుంటాయి. తెలుగురాష్ట్రాల్లో ఒకవిధంగా చేస్తే.. ఇతర రాష్ట్రాల్లో మరొకవిధంగా చేస్తారు.

ఇక క్రిస్పీ ఫిష్ ఫ్రైను కూడా రకరకాలుగా వండుతారు. కేరళ స్టైల్’లో వండే ఫిష్ ఫ్రై అయితే అమోఘమైన రుచిని కలిగి వుంటుంది. ఒక్కసారి తింటే.. మళ్లీ మళ్లీ తినాలనిపిస్తుంది. మరి.. కేరళ స్టైల్’లో ఫిష్ ఫ్రైని ఎలా చేస్తారో తెలుసుకుందాం..

Prep Time

30 Minutes
Cooking Time

25 Minutes
Servings

3-5

కావాల్సిన పదార్ధాలు

1/2 కేజీ చేపలు
2 టేబుల్ స్పూన్స్ పెప్పర్ పౌడర్
1/2 టేబుల్ స్పూన్ పసుపు
2 టేబుల్ స్పూన్స్ కారం
కొద్దిగా అల్లం
5-8 వెల్లుల్లి
సరిపడా కొబ్బరి నూనె
రుచికి తగినంత ఉప్పు

తయారు చేయు విధానం

Step 1
ముందుగా మార్కెట్ నుంచి తెచ్చుకున్న చేపలను శుభ్రంగా కడుక్కోవాలి. తరువాత వాటిని తగిన సైజులో చిన్న ముక్కలుగా చేసుకోవాలి.
Step 2
మరోవైపు ఒక బౌల్ తీసుకుని అందులో కొద్దిగా కారం, పసుపు, మిరియాలపొడి, ఉప్పు, అల్లం, వెల్లుల్లి తదితర పదార్థాలతోబాటు 3 టీ స్పూన్స్ కొబ్బరి నూనె వేసి మిక్స్ చేయాలి. ఈ మొత్తం మిశ్రమాన్ని మెత్తగా పేస్టులా తయారుచేసుకోవాలి.
Step 3
ఈ విధంగా చేసిన ఈ మసాలా పేస్ట్’ను ఇదివరకు శుభ్రం చేసుకున్న చేప ముక్కలకు అన్నివైపులా బాగా పట్టించి, అరగంటపాటు పక్కన పెట్టుకోవాలి.
Step 4
ఒక పాన్ తీసుకుని అందులో తగినంత కొబ్బరి నూనె వేసి వేడి చేయాలి. బాగా కాగిన తర్వాత అందులో మ్యారినేట్ చేసిన చేప ముక్కలను వేయాలి. వాటిని బాగా కాగే వరకు డీప్ ఫ్రై చేసుకోవాలి. అన్నివైపులా బ్రౌన్ కలర్ వచ్చేంతవరకు ఫ్రై చేస్తూనే వుండాలి. అంతే! ఈ విధంగా కేరళ స్టైల్’లో ఫిష్ ఫ్రైను రెడీ చేయొచ్చు.