pomfret fish fry recipe making healthy food heart attack disease

చేపల్లో ఎన్నోరకాల జాతులు వుంటాయని తెలిసిన విషయమే! ఆ ఒక్కొక్క జాతిలో మానవ శరీరానికి అవసరమయ్యే పోషకాలు ఒక్కొక్క విధంగా నిల్వవుంటాయి. కొన్ని చేపల్లో కేవలం కంటికి సంబంధించిన పోషకాలు మాత్రమే అందిస్తే.. మరికొన్ని చేపల్లో శరీరంలో కంటితోబాటు శరీర భాగాలను మరింతగా పనిచేసేలా మెరుగుపరుస్తూ శక్తిని పెంచుతాయి. అటువంటి వాటిలో పాంఫ్రెట్ ఫిష్ ఒకటి!

ఈ చేపలో న్యూట్రీషియన్స్ ఎక్కువ మోతాదులో పుష్కలంగా వుంటాయి. ఇవి కంటిసమస్యలతోబాటు ఇతర వ్యాధులను దూరంగా వుంచడంలో ప్రముఖపాత్రను పోషిస్తాయి. అలాగే ఫ్యాట్, ప్రోటీనులు అధికంగా వుంటాయి. అంతేకాదు.. ఇందులో జీరో పర్సెంట్ కొలెస్టిరాల్.. అంటే కొవ్వు పదార్థాలు అస్సలు వుండవు. కాబట్టి.. హార్ట్ పేషెంట్లు కూడా ఈ రకమైన రిసిపీలను తీసుకోవచ్చు. చాలావరకు గుండెసంబంధిత వ్యాధులు దూరమవుతాయి కూడా!

ఇక చేపలతో రకరకాల రిసిపీలను తయారుచేసుకోవచ్చు. స్పెషల్ కర్రీగా, ఫ్రైగా, ఇంకా ఇతర పద్ధతుల్లో దీన్ని వండుకోవచ్చు. అయితే వీటన్నింటిలోనూ ఫ్రై చేయడం ఎంతో సులభం. మస్టర్డ్ సాస్ ఉపయోగంతో తయారయ్యే ఈ ఫ్రై.. ఎంతో రుచికరంగా, పౌష్టికంగా వుంటుంది. వివిధ రకాల వంటకాలతో చేసే ఈ ఫ్రైను ఎలా తయారుచేస్తారో తెలుసుకుందాం...

Prep Time

25 Minutes
Cooking Time

25 Minutes
Servings

1-2

కావాల్సిన పదార్ధాలు

1 లేదా 2 పాంఫ్రెట్ ఫిష్
2 - 3 టేబుల్ స్పూన్స్ ఎల్లో మస్టర్డ్ సీడ్స్
2 - 4 టేబుల్ స్పూన్స్ మస్టర్డ్ ఆయిల్
1 టేబుల్ స్పూన్ పసుపు
1 - 2 టేబుల్ స్పూన్స్ జీలకర్ర
5 - 6 వెల్లుల్లి
3 - 4 పచ్చిమిర్చి
రుచికి తగినంత ఉప్పు
గార్నిష్ కోసం కొత్తిమీర

తయారు చేయు విధానం

Step 1
చేపలను ముందుగా శుభ్రం చేసుకొని, కావలసిన సైజులో కట్ చేసుకోవాలి. (ఒకవేళ ఒకే ఫిష్’తో ఫ్రై చేయాలనుకుంటే.. దానిని ముక్కలుగా కట్ చేసుకోకుండా ఆ చేప మధ్య భాగాల్లో గాట్లు పెట్టుకోవచ్చు. ఆ గాట్ల మధ్యలో మసాలా వేసి ఫ్రై చేసుకోవచ్చు.)
Step 2
మరోవైపు ఆవాలు, వెల్లుల్లి, రెండు పచ్చిమిర్చి తదితర పదార్థాలను మిక్సీ జార్’లో వేసి మెత్తగా పేస్ట్ చేసుకోవాలి. కొద్దిగా నీరు మిక్స్ చేసుకుంటే మంచిది.
Step 3
ఆ విధంగా తయారుచేసుకున్న ఆ పసుపు మిశ్రమాన్ని ఇదివరకే శుభ్రం చేసుకున్న చేప ముక్కలకు బాగా పట్టించాలి.
Step 4
ఇప్పుడు ఒక పాన్ తీసుకొని అందులో కొద్దిగా నూనె పోసుకొని, వేడి చేయాలి. కాగిన అనంతరం అందులో మ్యారినేట్ చేసిన చేప ముక్కలను వేసి, మీడియం మంట మీద వేడి చేయాలి. (చేపముక్కలు బ్రౌన్ కలర్ వచ్చే వరకూ ఫ్రై చేయాలి). ఫ్రై చేసిన తర్వాత ప్లేటులో తీసి, పక్కన పెట్టుకోవాలి.
Step 5
అదే పాన్’లో మరోసారి కాస్త నూనెను జోడించి వేడి చేసిన తర్వాత అందులో జీలకర్ర వేసి వేగించాలి. తర్వాత ఆవాల పేస్ట్, ఉప్పు, పసుపు వేసి కొద్దిసేపటివరకు వేడి చేయాలి.
Step 6
అలా వేడి చేసిన తర్వాత అందులో కాస్త నీళ్లు జోడించి, తర్వాత ఫ్రై చేసిన చేప ముక్కలను వసి వేడి చేయాలి. గ్రేవీ చిక్కబడే వరకు బాగా ఉడికించాలి.
Step 7
బాగా ఉడికిన అనంతరం స్టౌవ్ ఆఫ్ చేయడానికి ముందు చేప మీద మస్టర్డ్ ఆయిల్ వేసి, పచ్చిమిర్చి - కొత్తిమీర తరుగుతో గార్నిష్ చేయాలి. అంతే! ఈ విధంగా పాంఫ్రెట్ మస్టర్డ్ ఫ్రైను తయారుచేసుకోవచ్చు.