healthy salads|cool salads recipe| salad recipe

వేసవిలో చాలా వరకు అన్ని రకాల పండ్లు దొరుకుతాయి. ముఖ్యంగా శరీరాన్ని కూల్ గా ఉంచే పండ్లు ఎక్కువగా అందుబాటులో ఉంటాయి. ఉదా పుచ్చకాయ, దోసకాయ, కీరకాయ వంటవి శరీరానికి తగినంత చల్లదాన్ని అంధిస్తాయి. వేసవిలో అధిక వేడి, ఎండల వల్ల మన శరీరంను కాపాడుకోవడానికి ఇటువంటి పండ్లను తప్పని సరిగా వాడాలి. అప్పుడే వడదెబ్బ నుండి మన శరీరాన్ని చర్మాన్ని రక్షించుకోగలుగుతాము. ఎండాకాలంలో చల్లచల్లని సలాడ్ లు ఆరోగ్యానికి ఎంతో మేలు చేస్తాయి. రుచికి కూడా చాలా బాగుంటుంది. పండ్లు తినని పిల్లలకు సలాడ్ ల రూపంలో చేసి పెట్టండి. తియ్య తియ్యగా తినడానికి ఇష్టపడతారు. సలాడ్ లలో పోషక విలువలు కూడా అధికం. వేసవి తాపానికి భోజనం చేయాలన్నా, చపాతీలు తిన్నాలన్నా ఇబ్బందిగా అనిపిస్తుంటుంది. ముందుగా తయారు చేసి ఫ్రిజ్‌లో పెట్టుకున్న ఈ సలాడ్ లను బయటికి వెళ్లి వచ్చిన తరువాత చల్లగా తింటుంటే ఆ మజానే వేరు.. మరి ఈ సలాడ్ లను ఎలా తయారు చేయ్యాలో రెసిపిలో చూద్దామా

Prep Time

25 Minutes
Cooking Time

10 Minutes
Servings

1or 2

కావాల్సిన పదార్ధాలు

అర కప్పు పచ్చిమామిడికాయ తురుము
అర కప్పు కీరదోస తురుము
అర కప్పు స్ట్రాబెర్రీ-
అర కప్పు వాటర్ మెలోన్
రెండు అరటి
కప్ ద్రాక్ష
అర కప్పు‌ ఆరెంజ్
1/2 టీ స్పూన్ పెప్పర్)
/2 టీ స్పూన్ డ్రైమ్యాంగో పొడి
అర స్పూన్‌ నిమ్మరసం
రెండు టీ స్పూన్లు తేనె
రెండు రెబ్బలు పుదీనా ఆకులు
రుచికి సరిపడా ఉప్పు

తయారు చేయు విధానం

Step 1
ముందుగా పచ్చిమామిడికాయ, కీరదోసకాయలను తీసుకొని శుభ్రంగా కడిగి తురుముకొవాలి. స్ట్రాబెర్రీ, అరటి, ద్రాక్ష, ఆరెంజ్ లను తీసుకొని శుభ్రంగా కడిగి పక్కన పెట్టుకొవాలి.
Step 2
పచ్చిమామిడి, కీరదోస, స్ట్రాబెర్రీ, అరటి, ద్రాక్ష, ఆరెంజ్, వాటర్ మెలోన్, పెప్పర్, డ్రైమ్యాంగో పొడి, నిమ్మరసం, తేనె, ఉప్పు వేసి ఈ మిశ్రామాన్ని అంతటిని మిక్సీ జార్ లో వేసి సలాడ్ లాగా తయారు చేసుకొవాలి.
Step 3
ఇప్పుడు పుదీనా ఆకులను మిశ్రమం పై చల్లుకోవాలి. చాలా సువాసనతో నిండి ఉండే సలాడ్ రెడీ.
Step 4
గ్లాస్ లోకి తీసుకొని ప్రీజ్ లో 30 నిమిషాల పాటు ఉంచిన తర్వాత త్రాగాలి.