rose milk shake recipe making cool drink

దేశంలో బాగా పాపులర్ అయిన మిల్క్ షేక్’లలో రోజ్ మిల్క్ షేక్ కూడా ఒకటి! దీనిని చిన్నపిల్లల నుంచి పెద్దలవరకు ఎంతో ఇష్టంగా తీసుకుంటారు. ఇదెంతో చల్లగా, తియ్యగా వుంటుంది. సాధారణంగా ఇవి బయట ఎక్కువగా లభ్యమవుతాయి.

కానీ.. ఇంట్లో కూడా చేసుకోవాలంటే అందుకు సంబంధించిన పదార్థాలు మార్కెట్లో లభ్యమవుతాయి. దీనిని తయారుచేయడం చాలా సులభం... పైగా తక్కువ సమయంలోనే కానివ్వొచ్చు. మరి ఈ షేక్’ను ఎలా చేస్తారో తెలుసుకుందాం...

Prep Time

25 Minutes
Cooking Time

15 Minutes
Servings

2

కావాల్సిన పదార్ధాలు

2 కప్స్ పాలు
2 బిగ్ స్కూప్స్ వెనీల ఐస్’క్రీమ్స్
200 గ్రాముల పంచదార
150 మి.లీ. నీళ్లు
1 టేబుల్ స్పూన్ రోజ్ మిల్క్ ఎస్సెస్

తయారు చేయు విధానం

Step 1
ఒక చిన్న గిన్నెను తీసుకుని అందులో తగిన పరిమాణంలో పంచదార వేసుకోవాలి. దీనిని స్టౌవ్ మీద పెట్టిన తగినన్ని నీళ్లు పోసి.. మీడియం మంట మీద మరిగించాలి.
Step 2
పంచదారి పూర్తిగా కరిగిపోయి, సిరప్ తయారయ్యేటప్పుడు అందులో కాస్త రోజ్ మిల్క్ ఎస్సెస్’ను జోడించి మిక్స్ చేయాలి. బాగా కాగిన అనంతరం స్టౌవ్ ఆఫ్ చేసి ఆ మిశ్రమాన్ని కిందకు దించేసి, కొద్దిసేపటివరకు చల్లారనివ్వాలి. (దీన్ని కావాలంటే ఫ్రిజ్’లో స్టోర్ చేసుకుని.. అవసరమైనప్పుడు ఉపయోగించవచ్చు.)
Step 3
చల్లారిన తర్వాత ఆ మిశ్రమంలో కొద్దిగా పాలుపోసి, అనంతరం ఒక టేబుల్ స్పూన్ రోజ్ సిరఫ్’తోబాటు ఐస్ క్రీమ్ కూడా వేసి మిక్స్ చేయాలి. ఇలా చేస్తే స్మూతీ షేక్ తయారవుతుంది. అంతే! ఈ విధంగా రోజ్’మిల్క్ షేక్’ను రెడీ చేసుకొని సర్వ్ చేసుకోవచ్చు.