carrot oats meal soup recipe winter special healthy food

కాలక్రమంలో వచ్చే వాతావరణ మార్పుల పరిస్థితులకు అనుగుణంగా ఆహారపదార్థాల్లోనూ మార్పులు చేసుకుంటే ఆరోగ్యానికి మంచిదని నిపుణులు తమ పరిశోధనల ద్వారా వెల్లడించారు. ప్రస్తుతం చలికాలంలో వేడివేడిగా అందరూ బజ్జీలు, ఇతర పదార్థాలు తయారుచేసుకుంటారు. అయితే వీటిలో నూనె కంటెంట్ ఎక్కువగా వుండటం వల్ల ఆరోగ్యానికి హాని కలగవచ్చు. అలా కాకుండా ఆరోగ్యాన్ని మెరుగుపరుస్తూ.. చలిని తట్టుకునే విధంగా వుండే ఆహారాలు కూడా వున్నాయి. అందులో క్యారెట్-ఓట్ మీల్ సూప్’ను ఒకటిగా చెప్పుకోవచ్చు.

దీనిని తాగితే.. మానసిక ఒత్తిళ్లు, నీరసం మొత్తం తొలగిపోయి.. ఎంతో తాజాగా వుంటారు. ఎందుకంటే.. ఇందులో ఆరోగ్యకరమైన పోషకాలు మెండుగా వున్నాయి. ముఖ్యంగా గుండె సంబంధిత వ్యాధుల నుంచి దూరంగా వుంచి, హృదయాన్ని తేలికగా వుంచుతుంది. శరీరంలో వున్న అనవసరమైన కొలెస్టిరాల్’ను తొలగించేసి.. కావలసిన కొవ్వుపదార్థాలను నిల్వ చేస్తుంది. అంటే.. ఇది కూడా శరీరానికి ఒక ఔషధగుణంలాంటిదేనన్నమాట! మరి ఇంతటి పోషకకరమైన ఈ సూప్’ను ఎలా తయారుచేస్తారో తెలుసుకుందాం...

Prep Time

25 Minutes
Cooking Time

20 Minutes
Servings

1-2

కావాల్సిన పదార్ధాలు

1/4 కప్ ఓట్స్
2-4 క్యారెట్స్
1-2 ఉల్లిపాయలు
కొద్దిగా వెన్న
కొద్దిగా కొత్తిమీర
రుచికి సరిపడా ఉప్పు
చిటికెడు మిరియాలపొడి

తయారు చేయు విధానం

Step 1
క్యారెట్స్ తీసుకుని నీటిలో శుభ్రం చేసుకోవాలి. తర్వాత దాని చుట్టూ వుండే తోలును నీటుగా తీసేసి, చిన్నముక్కలుగా కత్తిరించుకోవాలి.
Step 2
ఒక గిన్నెలో రెండు కప్పుల నీళ్లు పోసి.. అందులో సన్నగా తరిగిన ఉల్లిపాయ ముక్కలు, క్యారెట్ ముక్కలను వేసి వేడి చేయాలి. పూర్తిగా మెత్తబడేవరకు బాగా వేయించాలి. బాగా ఉడికిన తర్వాత స్టౌవ్ ఆఫ్ చేసి, కిందకు దించాలి. చల్లారిన తర్వాత వాటిని మిక్సీ జార్’లో వేసి గ్రైండ్ చేసుకుని వడకట్టుకోవాలి.
Step 3
అదే పాన్’లో వెన్న వేసి వేడి చేసుకోవాలి. అనంతరం అందులో ఓట్ మీట్ వేసి దోరగా వేయించుకోవాలి. తర్వాత అందులోనే నీళ్లు పోసి, కొద్దిసేపటివరకు మీడియం మంట మీద ఉడికించాలి.
Step 4
ఓట్స్ బాగా ఉడికిన అనంతరం అందులో ముందుగా తయారుచేసుకున్న క్యారెట్ రసం, తగినంత ఉప్పు, మిరియాల పొడి వేసి.. చిక్కబడేవరకు వేగించుకోవాలి. అవసరమైతే టమాటో సాస్ కూడా వేసుకోవచ్చు. అంతే.. ఘాటుఘాటుగా వుండే క్యారెట్-ఓట మీల్ సూప్ రెడీ!