chicken noodles recipes

మాంసాహార వంటకాల్లో చికెన్ ఎంతో ప్రత్యేకమైంది. ఈ వంటకాన్ని ఇష్టపడనివారూ ఎవ్వరూ వుండరు. చికెన్’తో రకరకాల డిష్’లను తయారుచేసుకోవచ్చు. అందులో భాగంగానే ఈ చికెన్ నూడిల్స్ కూడా ఒకటి. మిగతా చికెన్ వంటకాలతో పోల్చుకుంటే ఇది ఎంతో రుచికరంగానూ నోరూరించేవిధంగా వుంటుంది. సాధారణంగా వీటిని ఎక్కువగా రెస్టారెంట్లలోనే తయారుచేస్తారు. కానీ ప్రతిఒక్కరు రెస్టారెంట్లకు వెళ్లి ఈ వంటకాన్ని సేవించలేరు కాబట్టి.. ఇంట్లోనే దీనిని సులభంగా తయారుచేసుకునేందుకు కొన్ని టిప్స్ మీకోసం..

Prep Time

20 Minutes
Cooking Time

20 Minutes
Servings

5

కావాల్సిన పదార్ధాలు

1 కప్ ఎముకలు లేని చికెన్ (మీడియం సైజ్’లో కట్ చేసుకోవాలి)
2 కప్స్ చికెన్ హక్కా నూడిల్స్
1 కప్ క్యారెట్లు (సన్నగా తరిగి పెట్టుకోవాలి)
1 కప్ బెల్ పెప్పర్ (క్యాప్సికమ్) (చిన్న ముక్కలుగా తరిగి పెట్టుకోవాలి)
1 కప్ వైట్ స్ర్పింగ్ ఆనియన్ (ఉల్లిపాయలు) (చిన్న ముక్కలుగా తరిగి పెట్టుకోవాలి)
1 కప్ గ్రీన్ స్ర్పింగ్ ఆనియన్ (ఉల్లిపాయలు) (చిన్న ముక్కలుగా తరిగి పెట్టుకోవాలి)
4 లవంగాలు
2 లేదా 3 పచ్చిమిర్చి (మధ్యలోకి కట్ చేసుకోవాలి)
1/2 టేబుల్ స్పూన్ సోయ్ సాస్
1/4 టేబుల్ స్పూన్ కారం సాస్
1 టేబుల్ స్పూన్ వెనిగర్
1 టేబుల్ స్పూన్ టొమాటో సాస్
1 టేబుల్ స్పూన్స్ నూనె
రుచికి సరిపడా ఉప్పు
తగిన పరిమాణంలో తెలుపు మిరియాల పొడి

తయారు చేయు విధానం

Step 1
ముందుగా చికెన్ ముక్కలను నీటిలో వేసి బాగా శుభ్రం చేసుకోవాలి.
Step 2
ఒక గిన్నెలో కాస్త నీళ్లు తీసుకుని కడిగిన చికెన్’ను అందులో వేయాలి. దీనిని 10 నిముషాల వరకు స్టౌవ్ మీద ఉడికించి పెట్టుకోవాలి.
Step 3
ఉడికిన తర్వాత నీటిని పడేసి.. చికెన్ ముక్కలను పక్కన పెట్టుకోవాలి.
Step 4
మరొక గిన్నెలో నూడిల్స్ తీసుకుని, అందులో సరిపడా నీటిని పోసి ఉడికించుకోవాలి.
Step 5
ఉడికిన అనంతరం నీటిని పడేసి, ఆ వేడి నూడిల్స్’లో కాస్త చల్లనీళ్లు పోసి, కడిగి పక్కన పెట్టుకోవాలి.
Step 6
ఒక పెద్ద నాన్’స్టిక్ తవా తీసుకుని అందులో కొద్దిగా నూనె వేసి వేడిచేయాలి.
Step 7
నూనె వేడయిన అనంతరం అందులో వెల్లుల్లి, పచ్చిమిర్చి ముక్కలు వేసి 5నిముషాలు మీడియం మంట మీద వేగించుకోవాలి.
Step 8
అలా కొద్దిసేపు వేడి చేసుకున్న తర్వాత అందులో తెల్లఉల్లిపాయ, క్యారెట్, క్యాప్సిమ్ ముక్కలు కూడా వేసి ఫ్రై చేయాలి. మీడియం మంటమీద మొత్తం మిశ్రమాన్ని వేగించుకోవాలి.
Step 9
అలా వేగుతున్నప్పుడే అందులో ఉప్పు, వైట్ పెప్పర్ పౌడర్ కూడా వేసి బాగా మిక్స్ చేయాలి.
Step 10
బాగా వేడెక్కిన అనంతరం అందులో ముందుగా ఉడికించుకొన్న చికెన్ ముక్కలు, సోయా సాస్, చిల్లీ సాస్, టమోటో సాస్ వేసి లైట్ గా ఫ్రై చేసుకోవాలి.
Step 11
చికెన్ వెజిటేబుల్స్ తో బాగా కలగలిపి మరికొన్ని నిముషాలు ఉడికించుకోవాలి.
Step 12
చికెన్ ఉడికిన తర్వాత చివరగా గ్రీన్ స్ప్రింగ్ ఆనియన్స్ వేసి మిక్స్ చేయాలి.
Step 13
తర్వాత ఉడికించిన నూడిల్స్ కూడా మొత్తం మిశ్రమాన్ని మిక్స్ చేయాలి.
Step 14
అంతే.. ఈ విధంగా రెస్టారెంట్ స్టైల్ చికెన్ నూడిల్స్’ను ఎంతో సులభంగా ఇంట్లోనే తయారుచేసుకోవచ్చు.