Aloo Matar ka Pulao recipe making indian special food

పచ్చిబఠానీలు (పీస్) - బంగాళదుంప (పొటాటో)ల మిశ్రమంతో తయారయ్యే ఈ పులావ్.. ఇండియాలో బాగానే పాపులర్ అయ్యింది. మొదట పంజాబ్’లో బాగా పాపులర్ అయిన ఈ రిసిపీ.. దేశవ్యాప్తంగా వ్యాప్తి చెందింది. వివిధ రకాల మసాలా దినుసులను జోడించి తయారుచేసే ఈ రిసిపీ ఎంతో రుచిగా వుండటమేకాకుండా ఆరోగ్యానికి ఎంతో మేలు కూడా! వివిధ రకాల ఇతర పదార్థాలలను జోడించడంతో అందులో వుండే పోషక విలువలు ఒక్కేసారి శరీరానికి అందుతాయి. ఫలితంగా శక్తి పెరుగుతుంది.

ఇక రిసిపీ విషయానికొస్తే.. చిన్నపిల్లల నుంచి పెద్దలవరకు ఈ డిష్’ను ఎంతగానో ఇష్టపడతారు. అత్యవసరమైన పరిస్థితుల్లో వంటకాలు చేయాల్సి వచ్చినప్పుడు.. ఆ సమయంలో ఈ పులావ్’ను చేస్తే మంచిది. ఎందుకంటే.. ఇతర రిసిపీలతో పోల్చుకుంటే దీనిని తక్కువ సమయంలోనే తయారుచేయొచ్చు. మరి.. ఇటువంటి సింపుల్ వంటకాన్ని ఎలా తయారుచేస్తారో తెలుసుకుందాం...

Prep Time

45 Minutes
Cooking Time

45 Minutes
Servings

2-5

కావాల్సిన పదార్ధాలు

2 కప్స్ బాస్మతి బియ్యం (రైస్)
1/2 లేదా 1 కప్ పచ్చిబఠానీలు (ఉడికించినవి)
2-3 బంగాళదుంపలు (ఉడికించి ముక్కలు చేసుకోవాలి)
2-3 ఉల్లిపాయలు
2-4 లవంగాలు
2-5 యాలకలు
1 టేబుల్ స్పూన్ పెప్పర్
1 టేబుల్ స్పూన్ జీలకర్ర
కొద్దిగా దాల్చిన చెక్క
రుచికి సరిపడా ఉప్పు

తయారు చేయు విధానం

Step 1
బాస్మతి రైస్’ను ఒక పాత్రలో తీసుకుని, నీటిలో వేసి శుభ్రంగా కడిగేసుకోవాలి. అలా కడిగిన అనంతరం 15 నిముషాలు పక్కన పెట్టుకోవాలి.
Step 2
ఒక పాన్ తీసుకుని అందులో తగినంత నూనె వేసి వేడి చేసుకోవాలి. బాగా వేడయిన అనంతరం అందులో జీలకర్ర వేయాలి. చిటపటలాడిన అనంతరం అందులోనే యాలకలు, లవంగాలు, దాల్చిన చెక్క వేసి.. సువాసన వచ్చేంతవరకూ బాగా ఫ్రై చేసుకోవాలి.
Step 3
ఆ మిశ్రమాన్ని బాగా ఫ్రై చేసిన అనంతరం అందులోనే ముందుగా ఉడికించి పెట్టుకున్న బంగాళదుంపలు, పచ్చిబఠానీలు, ఉల్లిపాయ ముక్కలు వేసి మళ్లీ కొద్దిసేపటి వరకు వేడి చేసి, ఫ్రై చేసుకోవాలి.
Step 4
ఇలా ఫ్రై చేయగా.. ఉల్లిపాయ ముక్కలు మెత్తబడుతాయి. అప్పుడు అందులో ఇదివరకు నానబెట్టుకున్న బియ్యాం వేసి, రెండు కప్పులు నీళ్లు పోసి వేగించుకోవాలి. అలాగే సరిపడా ఉప్పు, పెప్పర్ తదితర పదార్థాలు వేసి.. మీడియం మంటమీద 20 నిముషాలు ఉడికించుకోవాలి. అంతే.. టేస్టీ ఆలూ మటర్’కా పులావ్ రెడీ!