meal-maker-manchuria

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మీల్‌మేకర్ మంచూరియా ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

4

కావాల్సిన పదార్ధాలు

మీల్‌మేకర్ - 200 గ్రాములు,
కొత్తిమీర - 3 కట్టలు,
సోయాసాస్ - 6 స్పూన్లు,
ఉల్లి కాడలు - 100 గ్రా,
వెనిగర్ - 4 స్పూన్లు,
అజినమోటా - 2 స్పూన్లు,
కార్న్‌ఫ్లోర్ పౌడర్ - 2 స్పూన్లు,
అల్లం, వెల్లుల్లి - 100గ్రా,
పచ్చిమిరపకాయలు - పది,
నూనె - సరిపడేంత,
ఉప్పు - సరిపడేంత.

తయారు చేయు విధానం

Step 1
ముందుగా ఒక గిన్నెలో మీల్‌మేకర్స్‌ను నీటిలో నాన్చి దాన్ని పది నిమిషాల పాటు స్టౌమీద ఉడికించాలి.
Step 2
ఆ తర్వాత గిన్నెలోని నీటిని తొలగించి మీల్‌మేకర్స్‌ను దోరగా నూనెలో వేయించుకుని పక్కన బెట్టుకోవాలి.
Step 3
మరో బాణలిలో నూనె పోసి కాగాక, పచ్చిమిరపకాయలు సన్నని ముక్కలుగా తరుగుకొని వాటితో పాటు అల్లం, వెల్లుల్లి పేస్ట్‌ను కలుపుకోవాలి.
Step 4
సన్నని మంటపై ఉంచి బాగా వేగాక, రెండు గ్లాసుల నీరు పోసి సోయాసాస్, వెనిగర్, అజినమోటా, ఉప్పు కలుపుకోవాలి.
Step 5
కాసేపయ్యాక కార్న్‌ఫ్లోర్‌ను నీటితో కలిపి అందులో వేయాలి.
Step 6
నీరు ఇంకే వరకు గరిటెతో కలియబెడుతూ ఉండాలి.
Step 7
అలా నీరు ఇంకిన తర్వాత సన్నగా తరిగిన ఉల్లికాడలు, కొత్తిమీర వేసి పొడిగా వేయించి మంచూరియా తయారు చేసుకోవాలి.
Step 8
దీంతో వేడి వేడి మీల్‌మేకర్ మంచూరియా రెడీ.