menthi pulusu recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మెంతిపులుసు ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

1-3

కావాల్సిన పదార్ధాలు

చింతపండు - 100 గ్రా
మెంతులు - 2 టీ స్పూన్లు
జీలకర్ర - 2 టీ స్పూన్లు
ఆవాలు - 2 టీ స్పూన్లు
మినప్పప్పు - 2 టీ స్పూన్లు
శనగపప్పు - 2 టీ స్పూన్లు
పెసరపప్పు - 2 టీ స్పూన్లు
పచ్చిమిర్చి - 4 లేదా 5
ఎండుమిర్చి - 4
కరివేపాకు - 2 రెమ్మలు
బెల్లం - చిన్న ముక్క
నూనె - టేబుల్ స్పూన్
ఇంగువ - చిటికెడు
ఉప్పు - తగినంత

తయారు చేయు విధానం

Step 1
చింతపండును నానబెట్టి చిక్కగా పులుసు తీసి పక్కన ఉంచాలి.
Step 2
బాణలిలో నూనె వేసి ఒక స్పూను ఆవాలు, ఒక స్పూను జీలకర్ర, ఒక స్పూను మెంతులు, పచ్చిమిర్చి, ఎండుమిర్చి, ఇంగువ, కరివేపాకు వేసి పోపు పెట్టాలి.
Step 3
ఇవన్నీ వేగిన తర్వాత చింతపండు పులుసు పోసి ఉప్పు వేయాలి.
Step 4
పులుసు ఉడుకుతుండగా మరొక బాణలిలో నూనె వేయకుండా శనగపప్పు, మినప్పప్పు, పెసరపప్పులను వేయించాలి.
Step 5
ఈ పప్పులు చల్లారేలోపు అదే బాణలిలో మెంతులు, ఆవాలు, జీలకర్ర వేయించాలి.
Step 6
చల్లారిన తర్వాత పప్పులను, పోపు దినుసులను విడిగా పొడి చేసుకోవాలి.
Step 7
మరుగుతున్న పులుసులో బెల్లం వేసి, తర్వాత పోపు దినుసుల పొడి వేయాలి.
Step 8
ఆ తర్వాత పప్పుల పొడిని నీటిలో కలిపి (ఉండలు కట్టకుండా ఉండడానికి) పులుసులో పోసి ఐదు నిమిషాల సేపు ఉడికించి దించాలి.