Usiri sambar recipe

ఉసిరికాయలంటే ఎవరికి మాత్రం ఇష్టం ఉండదు. అయితే ఉసిరితో ఎప్పుడైనా సాంబార్ ట్రై చేశారా? ఒక్కసారి ట్రైచెయ్యండి ఇక ఎప్పటికీఅదే కావాలంటారు మరి. అందుకే ఉసిరి సాంబర్ ఎలా తయారుచేసుకోవచ్చో ఇక్కడ తెలుసుకోండి.

Prep Time

15 Minutes
Cooking Time

45 Minutes
Servings

3-5

కావాల్సిన పదార్ధాలు

ఉసిరికాయలు - వందగ్రాములు,
కందిపప్పు (ఉడికించి) - ఒక కప్పు,
సాంబార్‌పొడి - రెండు టీస్పూన్లు,
పసుపు - చిటికెడు,
పచ్చిమిర్చి - రెండు,
కరివేపాకులు - కొన్ని,
ఆవాలు - ఒక టీస్పూన్,
ఇంగువ - చిటికెడు,
ఉప్పు, నూనె - సరిపడా.

తయారు చేయు విధానం

Step 1
ఉసిరికాయల్ని కడిగి గింజలు తీసి ముక్కలు కోయాలి.
Step 2
పచ్చిమిర్చిని నిలువుగా చీల్చాలి.
Step 3
గిన్నెలో ఒక కప్పు నీళ్లు పోసి ఉసిరి ముక్కల్ని ఉడికించాలి. తరువాత సాంబార్ పొడి, పసుపు, పచ్చిమిర్చి, ఇంగువ, ఉప్పు వేసి ఉడికించాలి.
Step 4
ఉసిరి ముక్కలు ఉడకగానే వాటిని మెత్తగా మెదపాలి. తరువాత ఉడికించిన కందిపప్పు వేసి మళ్లీ ఉడికించాలి.
Step 5
అన్ని పదార్ధాలు బాగా కలిసిపోయిన తరువాత గిన్నెను స్టవ్ మీద నుంచి కిందకు దింపాలి.
Step 6
తాలింపుకు నూనె వేడిచేసి ఆవాలు, కరివేపాకు వేయాలి. ఆవాలు చిటపటమంటున్నప్పుడు సాంబార్‌లో ఆ తాలింపు వేస్తే ఉసిరి సాంబార్ రెడీ.