korameenu curry recipe cooking tips weekend special food item

చేపలలో వుండే వివిధ జాతుల్లో ఒకటైన కోరమీనుతో ఎన్నో రకాల రిసిపీలను వండుకోవచ్చు. వాటన్నింటిలో ఒకటైన ఈ కోరమీను కర్రీ.. ఎంతో స్పైసీగా, రుచిగా వుండటంతోబాటు ఆరోగ్యాన్ని మెరుగుపరుస్తుంది కూడా! ముఖ్యంగా బెంగాలీ స్టైల్లో తయారచేసే వంటకం.. ఇంకా అద్భుతమైన రుచిని కలిగి వుంటుంది. మరి.. దీన్నెలా చేస్తారో తెలుసుకుందామా...

Prep Time

30 Minutes
Cooking Time

40 Minutes
Servings

3

కావాల్సిన పదార్ధాలు

1 కేజీ కోరమీను
10 గ్రాములు అల్లంవెల్లుల్లి
4-5 ఉల్లిపాయలు
4-5 ఎండుమిర్చి
2-3 పచ్చిమిర్చి
1 కట్ట కొత్తిమీర
3 టీ స్పూన్స్ గసగసాలు
సరిపడేంత ఆవాలు, మెంతులు, ఎండుమిర్చి, జీలకర్ర (పోపుకోసం)
2 గరిటెలు ఆవనూనె
ఒకటి నిమ్మకాయ
చిన్నముక్క బెల్లం
తగినంత ఉప్పు

తయారు చేయు విధానం

Step 1
ముందుగా చేపలను శుభ్రంగా కడిగేసుకున్న తర్వాత ముక్కలుగా కోసి.. వాటికి ఉప్పు పట్టించి పక్కన పెట్టుకోవాలి. మరోవైపు.. అల్లం, వెల్లుల్లి, ఉల్లిపాయలు, ఎండుమిర్చి, కొత్తిమీర, గసగసాలు, పచ్చిమిర్చి తదితర పదార్థాలు అన్నింటిని కలిపి రుబ్బుకోవాలి.
Step 2
ఇప్పుడు ఒక బాణలిని స్టౌవ్ మీద పెట్టి అందులో కొద్దిగా నూనె వేసి వేయించాలి. నూనె కాగిన తర్వాత అందులో పోపుకోసం తీసుకున్న పదార్థాలను వేసి వేయించాలి. అలాగే రుబ్బిపెట్టుకున్న మసాలా ముద్దను కూడా వేసి ఉడికించాలి.
Step 3
ఆ మొత్తం మిశ్రమం కొద్దిగా వేగిన తర్వాత అందులో నీళ్లు పోసి.. తర్వాత ఉప్పు, బెల్లం వేసి మీడియం మంట మీద ఉడికించాలి. ఈ మొత్తం మిశ్రమం చిక్కబడిన తర్వాత చేపముక్కలు వేసి.. ఆ ముక్కలు ఉడికేవరకూ వుంచి దించేయాలి. చివరగా అందులో నిమ్మరసం పిండుకోవాలి. అంతే!