karaikkudi mutton chops recipe cooking tips

కారైక్కుడి మటన్ చాప్స్.. ఇది తమిళుల ఫేవరేట్ డిష్! ఇది ఎంతో రుచిగా, శుచిగా వుంటుంది. తమిళనాడులోని ప్రతిఒక్క రెస్టారెంట్’లో, హోటల్’లో ఈ రిసిపీ లభ్యమవుతుందంటే.. ఇదెంత రుచికరమైందో అర్థం చేసుకోవచ్చు. మరి.. దీన్నెలా చేస్తారో తెలుసుకుందామా...

Prep Time

30 Minutes
Cooking Time

35 Minutes
Servings

3-4

కావాల్సిన పదార్ధాలు

ఒకటిన్నర కేజీ మటన్ ముక్కలు
100 గ్రాములు ఉల్లిపాయలు
100 గ్రాములు టమోటాలు
25 గ్రాములు అల్లంవెల్లుల్లి ముద్ద
6 టీ స్పూన్స్ కారం
5 టీ స్పూన్స్ ధనియాలపొడి
2 టీ స్పూన్స్ పసుపు
తగినంత నూనె
1 టీ స్పూన్ గరంమసాలా
నాలుగు కోడిగుడ్లు
ఒక కట్ట కొత్తిమీర

తయారు చేయు విధానం

Step 1
ముందుగా ఉల్లిపాయలు, టమోటాలను చిన్న ముక్కలుగా కట్ చేసుకోవాలి. అలాగే అల్లంవెల్లుల్లి నూరుకోవాలి. మరోవైపు కోడిగుడ్లన్నీ పగులకొట్టి సొనన్న ఓ పాత్రలోకి వంపాలి. అందులో పసుపు, తరిగిన కొత్తిమీర వేసి సొనను బాగా గిలక్కొట్టుకోవాలి.
Step 2
ఇప్పుడు ఓ బాణలి తీసుకుని అందులో కొద్దిగా నూనె పోసి వేయించాలి. నూనె కాగిన తర్వాత అందులో ఉల్లిపాయల ముక్కలు వేసి.. అవి బ్రౌన్ కలర్’లోకి వచ్చేంతవరకు వేయించాలి. తర్వాత అల్లంవెల్లుల్లి ముద్ద కూడా వేసి మరికొద్దిసేపటివరకు ఉడికించుకోవాలి.
Step 3
కాసేపు వాటిని వేగించిన తరువాత కారం, పసుపు, ధనియాలపొడి, టమోటా ముక్కలు కూడా వేసి బాగా ఉడికించుకోవాలి. అనంతరం ఈ మిశ్రమంలో మటన్ ముక్కలు వేసి కొద్దిసేపటివరకు ఉడికించుకోవాలి. కాసేపటితర్వాత కొద్దిగా నీళ్లు చిలకరించి.. అవి ఆవిరైపోయే వరకూ ఉడికించుకోవాలి.
Step 4
ఇప్పుడు మరో బాణలి తీసుకుని అందులో కొద్దిగా నూనె పోసి వేయించాలి. నూనె కాగిన తర్వాత ఆ మటన్ ముక్కలను ఇదివరకు గిలక్కొట్టిన సొనలో ముంచి.. పకోడీల మాదిరిగా వేయించి తీసేయాలి. అంతే! కారైక్కుడి మటన్ చాప్స్ రెడీ!