fried chicken legs recipe chinese style food item

చికెన్ లెగ్స్’తో కూడిన డిఫరెంట్ టైప్స్ ఆఫ్ కర్రీస్ అందుబాటులో వున్నాయి. అందులో చాలావరకు ఫ్రై చేసినవే ఎంతో టేస్టీగా వుంటాయి కాబట్టి.. వాటినే ఎక్కువగా తింటారు. అయితే ఈసారి ప్రత్యేకంగా కాస్త చైనీస్ స్టల్’లో వీటిని చేసుకుంటే.. మరింత రుచికరంగా సేవించవచ్చు. కానీ.. ఈ వంటకం వండేటప్పుడు కాస్త జాగ్రత్తలు పాటించాల్సి వుంటుంది.

ఆయిల్’తో డీప్ ఫ్రై చేయకుండా చేస్తే.. ఈ రిసిపీలో క్యాలరీలు తగ్గుతాయి. అలాకాకుండా ఎక్కువ ఆయిల్’తో డీప్ ఫ్రై చేస్తే.. క్యాలరీలు పెరిగి శరీర బరువు పెరిగే అవకాశం వుంటుంది. కాబట్టి.. ఈ ఒక్క చిట్కాను పాటిస్తే చాలు.. ఎంతో రుచికరమైన ఈ చైనీస్ ఫ్రైడ్ చికెన్ లెగ్స్’ని తీసుకోవచ్చు. మరి.. ఎలా చేస్తారో తెలుసుకుందామా..

Prep Time

40 Minutes
Cooking Time

45 Minutes
Servings

2-6

కావాల్సిన పదార్ధాలు

6 (కావలసినన్ని) చికెన్ లెగ్స్
చిటికెడు చైనీస్ గ్రాస్
3 టీ స్పూన్స్ వెనిగర్
2 టీ స్పూన్స్ పెప్పర్ పౌడర్
1/2 కప్ ఉల్లిపాయ తరుగు
2 టీ స్పూన్స్ సోయా సాస్
రుచికి తగినంత ఉప్పు
వంటకానికి సరిపడా నూనె

తయారు చేయు విధానం

Step 1
చికెన్ లెగ్ పీసులను శుభ్రంగా కడిగేసిన తర్వాత వాటికి వెనిగర్, వెల్లుల్లి పేస్ట్, ఉప్పు మిక్స్ చేసి మ్యారినేట్ చేసుకుని.. పదినిముషాలపాటు పక్కన పెట్టుకోవాలి.
Step 2
ఒక బౌల్ తీసుకుని అందులో సోయాసాస్, పచ్చిమిర్చి, చైనీస్ గ్రాస్ తదితర పదార్థాలు వేసి బాగా మిక్స్ చేయాలి. అనంతరం ఇదివరకు మ్యారినేట్ చేసిన చికెన్ లెగ్స్’ని ఇందులో డిప్ చేయాలి. అలాగే వాటిని బయటకు తీసి కార్న్’ఫ్లోర్ (మొక్కజొన్న) పిండిలో వేసి పొర్లించాలి.
Step 3
మరోవైపు ఒక పాన్ తీసుకుని అందులో కొద్దిగా నూనె వేసి వేయించాలి. నూనె కాగిన తర్వాత అందులో చికెన్ లెగ్స్ వేసి దోరగా వేయించాలి. 2 నిముషాల తర్వాత కొద్దిగా మంట తగ్గించి అందులో ఉల్లిపాయ ముక్కలు, పెప్పర్ వేసి వేయించాలి. అంతే.. క్రిస్పీ చైనీస్ చికెన్ లెగ్స్ రెడీ!