dry fruit gujia recipe cooking tips festivals special sweet item

స్వీట్స్ అంటే ప్రతిఒక్కరికీ ఇష్టమే! అటువంటి స్వీట్లలో ఒకటైన కజ్జికాయలంటే ఎంతో ఇష్టంగా తీసుకుంటారు. ఆహారంలో ఎంతో ప్రాధాన్యత కలిగిన ఈ స్వీట్స్’కి సంబంధించి కొత్తకొత్త రుచులు ఇంకా వస్తూనే వున్నాయి. అలా వెరైటీగా వచ్చిన వాటిల్లో డ్రై ఫ్రూట్ గజియా కూడా ఒకటి. అయితే మార్కెట్’లో లభించే స్వీట్స్ తినేకంటే.. ఇంట్లో తయారుచేసుకుని తీసుకోవడం ఎంతో శ్రేయస్కరం. మరి.. దీన్నెలా చేస్తారో తెలుసుకుందామా..

Prep Time

Null
Cooking Time

Null
Servings

3-4

కావాల్సిన పదార్ధాలు

3 కప్స్ మైదాపిండి
1/4 కప్ నెయ్యి
చిటికెడు ఉప్పు
కొద్దిగా నూనె (డీప్ ఫ్రై కోసం)
1/2 కప్ ఎండుకొబ్బరి తురుము
1/4 కప్ బాదం (సన్నగా తరగాలి)
1/4 కప్ పిస్టాచోస్ (సన్నగా తరగాలి)
1/4 కప్ జీడిపప్పు (సన్నగా తరగాలి)
కొద్దిగా కర్జూరం (సన్నగా తరగాలి)
1/4 కప్ ఎండుద్రాక్ష
1/4 టీ స్పూన్ యాలకులపొడి

తయారు చేయు విధానం

Step 1
ఒక బౌల్ తీసుకుని అందులో కొద్దిగా మైదా, నెయ్యి, ఉప్పు వేసి బాగా మిక్స్ చేసుకోవాలి. అలాగే అందులో సరిపడా నీళ్లు పోసి మృదువుగా కలిపి పక్కన పెట్టుకోవాలి.
Step 2
మరో బౌల్ తీసుకుని అందులో ఎండుకొబ్బరి తురుము, బాదం తురుము, పిస్తాచోస్ తురుము, జీడిపప్పు తురుము, కర్జూరం తురుము, ఎండుద్రాక్ష, యాలకులపొడి తదితర పదార్థాలను వేసి బాగా మిక్స్ చేసుకోవాలి. (ఫిల్లింగ్ మిశ్రమం)
Step 3
ఇప్పుడు ఇదివరకు కలిపిపెట్టుకున్న పిండి నుంచి కొద్దికొద్దిగా తీసుకుని ఉండలుగా చేసి, చపాతీలా ఒత్తుకోవాలి. అనంతరం వీటిమధ్యలో ముందుగా కలిపిన ఫిల్లింగ్ మిశ్రమాన్ని ఒక టీ స్పూన్ మేరకు వేసి అన్నివైపులా కవర్ చేయాలి.
Step 4
ఇలా అన్నీ చేసుకున్న తర్వాత స్టౌవ్ మీద పాన్ పెట్టి కొద్దిగా నూనె వేసి వేడి చేయాలి. నూనె కాగిన తర్వాత అందులో ఆ పూరీలను వేసి ఫ్రై చేసుకోవాలి. అన్నివైపులా బ్రౌన్ కలర్ వచ్చేంతవరకు వేయించాలి. అంతే!