kaju halwa recipe bakrid special sweet

ముస్లిములు జరుపుకునే బక్రీద్ పండుగ సందర్భంగా తమతమ ఇళ్లలో కొన్ని ప్రత్యేకమైన వంటకాలను తయారుచేస్తారు. ఆరోజు నమాజ్ చదివిన అనంతరం ఘుమఘుమలాడే వంటకాలతోబాటు రకరకాల స్వీట్స్ చేస్తారు. అందులో ముఖ్యంగా కాజు హల్వాను చాలా ప్రత్యేకంగా చేస్తారు.

ఇదెంతో రుచికరంగా, తియ్యగా వుండే రిసిపీ. దీనిని ప్రతిఒక్కరు ఎంతో ఇష్టంగా తింటారు. అయితే చాలామందికి దీనిని ఎలా తయారుచేస్తారో అంతగా తెలియదు. చాలా తక్కువమంది మాత్రమే ఈ రకమైన రిసిపీని తమతమ ఇళ్లలో చేసుకుంటారు. మరి దీనిని ఎలా చేస్తారో తెలుసుకుందాం..

Prep Time

20 Minutes
Cooking Time

15 Minutes
Servings

5-10

కావాల్సిన పదార్ధాలు

1 లీటర్ పాలు
250 గ్రాములు కాజు (జీడిపప్పు - సన్నగా తరగాలి)
4-5 టీ స్పూన్స్ పంచదార
2-3 టీ స్పూన్స్ నెయ్యి లేదా బట్టర్
కొద్దిగా కుంకుమపువ్వు

తయారు చేయు విధానం

Step 1
ఒక పాన్ తీసుకుని అందులో కొద్దిగా నెయ్యి వేసి, అది బ్రౌన్ కలర్’లోకి వచ్చేంతవరకూ ఉడికించుకోవాలి. కలర్ మారిన తర్వాత దానిని పక్కన పెట్టి చల్లార్చుకోవాలి.
Step 2
మరొక గిన్నె తీసుకుని అందులో తగిన పరిమాణంలో పాలు తీసుకోవాలి. దానిని తక్కువ మంట మీద వేడి చేసుకోవాలి. కొద్దిగా వేడెక్కి పాలు పొంగు రాగానే అందులో పంచదార వేసి మిక్స్ చేయాలి. 2 నిముషాల తర్వాత అందులో కుంకుమపువ్వు వేసి మిక్స్ చేస్తే ఒక డిఫరెంట్ కలర్ వస్తుంది.
Step 3
మరోవైపు జీడిపప్పు కాస్త వేడి చేసుకుని దానిని చల్లార్చిన తర్వాత మిక్సీలో వేసి మెత్తగా పౌడర్ చేసుకోవాలి. ఈ పౌడర్’ను ఇదివరకు వేడిగా వున్న ఆ పాలమిశ్రమంలో వేసి, తక్కువ మంటమీద నిదానంగా మిక్స్ చేస్తూ వుండాలి.
Step 4
మీడియం మంటమీద కొద్దిసేపటివరకు పాలు-జీడిపప్పు మిశ్రమాన్ని బగా ఉడికించాలి. అప్పుడు అది చిక్కగా మారుతుంది. అంతే.. ఈ విధంగా కాజు హల్వాను రెడీ చేసుకుని అందరికీ సర్వ్ చేసుకోవచ్చు.