dill tomato curry recipe cookint tips

అజీర్తితో బాధపడుతున్నవారు సాధారణ మందులతోబాటు పోషక విలువలు నిల్వవున్న పదార్థాలను సేవిస్తే.. త్వరగా ఆ సమస్య నుంచి ఉపశమనం పొందవచ్చు. దీని నుంచి త్వరగా విముక్తి పొందాలంటే అందుకు మెంతి టమోటా కర్రీయే చాలా బెస్ట్! ఇందులో వుండే పోషకగుణాలు అజీర్ణానికి చెక్ పెట్టడంతోబాటు ఆరోగ్యంగా వుండేందుకు సహకరిస్తాయి. మరి దీన్నెలా చేస్తారో తెలుసుకుందామా..

Prep Time

30 Minutes
Cooking Time

25 Minutes
Servings

4-5

కావాల్సిన పదార్ధాలు

1/4 కేజీ టమోటాలు
1 కప్ మెంతికూర
1 టీ స్పూన్ కొబ్బరికాయ
1-2 ఉల్లిపాయలు
1 టీ స్పూన్ కారం
రుచికి తగినంత ఉప్పు
1 టీ స్పూన్ అల్లంవెల్లుల్లి పేస్ట్
1 టీ స్పూన్ నూనె
1 టీ స్పూన్ ధనియాలపొడి
2 రెబ్బలు కరివేపాకు
తగినంత కొత్తిమీర
1 టీ స్పూన్ జీలకర్ర
1 టీ స్పూన్ ఆవాలు

తయారు చేయు విధానం

Step 1
ఒక పాన్ తీసుకుని అందులో కొద్దిగా నూనె పోసి వేడి చేయాలి. నూనె కాగిన తర్వాత అందులో ఆవాలు, జీలకర్ర వేసి చిటపటలాడించాలి. అనంతరం ఉల్లిపాయ ముక్కలు వేసి గోధుమరంగు వచ్చేదాకా ఉడికించాలి.
Step 2
అనంతరం అల్లంవెల్లుల్లి పేస్ట్, కరివేపాకు, పసుపు ఒకదాని తర్వాత మరొకటి అందులో వేస్తూ వుండాలి. అలాగే శుభ్రంగా కడిగేసుకున్న మెంతికూరను కూడా అందులో వేసి.. పచ్చివాసన పోయేవరకు వేయించాలి.
Step 3
తర్వాత అందులో టమోటా ముక్కల్ని వేసి 10 నిముషాలపాటు ఉడికించాలి. అందులోనే కాస్త కారం, ఉప్పు, ధనియాలపొడి, కొబ్బరికోరు ఒకదాని తర్వాత వేస్తూ, కలియబెడుతూ ఉడికించాలి.
Step 4
ఇలా మొత్తం మిశ్రమాన్ని కలియబెడుతూ 10 నిముషాలపాటు మీడియం మంటమీద వేడి చేయాలి. చివరగా మిశ్రమం మొత్తం ముద్దగా అయిన తర్వాత దించేసి.. కొత్తిమీరతో గార్నిష్ చేసుకోవాలి. అంతే!