capsicum masala recipe cooking tips

క్యాప్సికమ్స్’తో ఎన్నోరకాల రిసిపీలను చేసుకోవచ్చు. అందులో మసాలా రిసిపీ కాస్త క్రిస్పీగా, టేస్టీగా వుంటుంది. దీని తయారీకి ఎక్కువ సమయం కేటాయించాల్సిన అవసరం లేదు.. ఎక్కువ కష్టపడాల్సిన పనిలేదు. ఎప్పుడైనా త్వరగా వంటకం చేసుకోవాలంటే.. ఈ రిసిపీని నిముషాల్లోనే ముగించేయొచ్చు. మరి దీన్నెలా చేస్తారో తెలుసుకుందామా...

Prep Time

20 Minutes
Cooking Time

15 Minutes
Servings

2-4

కావాల్సిన పదార్ధాలు

250 గ్రాములు క్యాప్సికమ్
3-4 ఉల్లిపాయలు
2 టీ స్పూన్స్ చింతపండు గుజ్జు
3-4 పచ్చిమిర్చి
1/2 టీ స్పూన్ జీలకర్ర పొడి
చిటికెడు పసుపు
చిటికెడు కారం
వేయించడానికి సరిపడా నూనె
రుచికి తగినంత ఉప్పు

తయారు చేయు విధానం

Step 1
క్యాప్సికమ్’ను శుభ్రంగా కడిగేసిన తర్వాత వాటిని గుత్తుగా కోసుకుని వుంచుకోవాలి. అలాగే ఉల్లి, పచ్చిమిర్చిలను సన్నగా తరిగి పక్కన పెట్టుకోవాలి.
Step 2
ఇప్పుడో పాన్ తీసుకుని అందులో కాస్త నూనె వేసి వేగించాలి. నూనె కాగిన తర్వాత అందులో చిటికెడు ఆవాలు, మినపప్పు, జీలకర్రపొడి, ఉల్లి, పచ్చిమిర్చి ముక్కలను వేసి దోరగా ఉడికించాలి.
Step 3
అలాగే చింతపండును మెత్తగా రుబ్బి దాని పిప్పిని, పసుపుతోబాటు రుచికి తగినంత ఉప్పును ఉడుకుతున్న మిశ్రమంలో వేసి కలుపుకోవాలి.
Step 4
అలా కలిపిన ఆ మొత్తం మిశ్రమంలో ఇదివరకు గుత్తుగా చేసుకున్న క్యాప్సికమ్ వేసి ఆ పాన్’కు మూతపెట్టి ఉడికించాలి. అంతే! క్యాప్సికమ్ మసాలా రిసిపీ రెడీ!