egg potato curry recipe cooking tips telugu news

సాయంత్రం సమయంలో తినే వంటకాల్లో కాస్త డిఫరెంట్’గా వుండాలంటే ఈ ఎగ్-పొటాటో కర్రీని చేసుకోవచ్చు. ఇదెంతో రుచికరంగా వుండటంతోబాటు ఎంతో ఆహ్లాదాన్ని అందిస్తుంది. పైగా.. ఆరోగ్యాన్ని మెరుగుపరుస్తుంది. ఎగ్’తోబాటు ఇతర కూరగాయలు, ఆకుకూరలు, ఇతర సుగంధద్రవ్యాలు ఇందులో కలిసి వుంటాయి కాబట్టి.. వాటిల్లో వుండే పోషకాలు శరీరాన్ని ఆరోగ్యంగా వుంచుతాయి. మరి.. దీన్నెలా చేస్తారో తెలుసుకుందామా...

Prep Time

30 Minutes
Cooking Time

30 Minutes
Servings

2-4

కావాల్సిన పదార్ధాలు

4-5 గుడ్లు
2-3 బంగాళదుంపలు (చిన్న సైజులో కట్ చేయాలి)
2-3 ఉల్లిపాయలు (సన్నగా తరగాలి)
2-3 టమోటాలు (చిన్న ముక్కలుగా కట్ చేయాలి)
3-4 పచ్చిమిర్చి
3 పాయలు అల్లంవెల్లుల్లి పేస్ట్
1 టీ స్పూన్ కారం
1 టీ స్పూన్ గరంమసాలా పౌడర్
1/4 టీ స్పూన్ పసుపు
2 టీ స్పూన్స్ ధనియాలపొడి
రుచికి తగినంత ఉప్పు
2 టీ స్పూన్స్ నూనె

తయారు చేయు విధానం

Step 1
ముందుగా బంగాళదుంపలను, గుడ్లను విడివిడిగా నీళ్లలో వేడిచేసుకోవాలి. తర్వాత చల్లార్చి.. వాటికి వున్న పొట్లను పూర్తిగా తీసేసి.. పక్కన పెట్టుకోవాలి.
Step 2
స్టౌవ్ మీద ఒక పాన్ పెట్టి అందులో కొద్దిగా నూనె వేసి వేడి చేయాలి. వేడయ్యాక అందులో ఉల్లిపాయలు, పచ్చిమిర్చి, అల్లంవెల్లుల్లి పేస్ట్ వేసి.. రెండు నిముషాలవరకు ఫ్రై చేయాలి.
Step 3
ఉల్లిపాయ ముక్కలు బ్రౌన్ కలర్’లోకి వచ్చేంతవరకు వేగించిన అనంతరం అందులో టమోటా ముక్కలను వేసి కొద్దిసేపటివరకు వేయించాలి.
Step 4
ఇప్పుడు అందులోనే ముందుగా ఉడికించి, పొట్ట తీసిన బంగాళదుంపులు, గుడ్లను వేసి మిక్స్ చేయాలి. వీటితోబాటు కారం, గరంమసాలా, పసుపు, ధనియాలపొడి వేసి మొత్తం మిశ్రమాన్ని మిక్స్ చేస్తూ ఫ్రై చేయాలి.
Step 5
చివరగా సరిపడా నీళ్లు, రుచికి తగ్గ ఉప్పు వేసి మరో 10 నిముషాలు వేయించాలి. గ్రేవీ చిక్కబడిన తర్వాత స్టౌవ్ ఆఫ్ చేయాలి. అంతే! స్పెషల్ ఎగ్-పొటాటో కర్రీ రిసిపీ రెడీ!