chicken salad recipe making healthy weekend food

మాంసాహార వంటకమైన చికెన్’తో ఎన్నోరకాల వంటకాలను తయారుచేసుకోవచ్చు. అలాంటివాటిల్లో చికెన్ సలాడ్ కూడా ఒకటి! ఇది ఎంతో టేస్టీగా వుండే లోఫ్యాట్ రిసిపీ! ఈ రిసిపీని రకరకాల డిష్’లతో తయారుచేస్తారు. ఎక్కువ పదార్థాలు జోడించినప్పటికీ తక్కువ సమయంలోనే దీని తయారీని ముగించేయొచ్చు.

ఈ రిసిపీలో ప్రత్యేకత ఏమిటంటే.. ఇది తక్కువ ఫ్యాట్ కంటెంట్’తోబాటు అధిక పోషక విలువలను కలిగి వుంటుంది. దీనిని వారానికి మూడుసార్లు తీసుకుంటే.. శరీరంలో వ్యాధినిరోధక శక్తి పెరుగుతుంది. అలాగే కండరాలు బలమవుతాయి. ఎముకలు బలిష్టంగా తయారవుతాయి. టేస్టీతోబాటు ఆరోగ్యాన్ని కూడా అందిస్తుంది.

కాబట్టి.. ఇటువంటి రెసిపీలమీదే ఎక్కువ ఆసక్తి కనబరిస్తే.. రుచితోబాటు ఆరోగ్యాన్ని కూడా పొందవచ్చు. ఈ రిసిపీ చాలావరకు రెస్టారెంట్లు, హోటళ్లలోనే ఎక్కువగా లభ్యమవుతాయి. ఇళ్లలో కూడా వీటిని తయారుచేసుకోవచ్చు. పైగా దీనిని చేయడం ఎంతో సులభం. మరి ఎలా చేస్తారో తెలుసుకుందాం...

Prep Time

30 Minutes
Cooking Time

25 Minutes
Servings

4-8

కావాల్సిన పదార్ధాలు

250 గ్రాములు చికెన్ (చిన్న ముక్కలుగా కట్ చేసి, ఉడికించి పెట్టుకోవాలి)
2 టొమాటోలు (సన్నగా తరిగి పెట్టుకోవాలి)
2 క్యారెట్ (సన్నగా కట్ చేసుకోవాలి)
2 ఉల్లిపాయలు (సన్నగా తరిగి పెట్టుకోవాలి)
1/2 బంగాళదుంప (ఉడకించి, తరిగి పెట్టుకోవాలి)
5-8 పాలకూర ఆకులు
1 టేబుల్ స్పూన్ మయోనైజ్ (Mayonnaise)
రుచికి సరిపడా ఉప్పు
1/4 టేబుల్ స్పూన్స్ గరంమసాలా
1/4 టేబుల్ స్పూన్స్ కారంపొడి
1/4 టేబుల్ స్పూన్స్ జీలకర్ర పొడి
చిటికెడు పసుపు
చిటికెడు మెంతులపొడి

తయారు చేయు విధానం

Step 1
ముందుగా గరంమసాలా, జీలకర్రపొడి, కారంపొడి, మెంతులపొడి, పసుపు తదితర పదార్థాలన్నింటిని కొద్దికొద్దిగా తీసుకుని.. నీటిలో మిక్స్ చేసి మెత్తని పేస్టులా తయారుచేసుకోవాలి.
Step 2
మరోవైపు చికెన్ ముక్కలను శుభ్రం చేసి, ఉడికించుకుని పెట్టుకోవాలి. ఈ ముక్కలకు పైన కలుపుకున్న మిశ్రమాన్ని జోడించి, బాగా పట్టించాలి. ఇలా మ్యారినేట్ చేసిన ముక్కలను పక్కన పెట్టుకోవాలి.
Step 3
ఒక బౌల్ తీసుకుని అందులో క్యారెట్, ఉల్లిపాయ, టొమాటో, బంగాళదుంప, పాలకూర ఆకులను వేసి.. మంచి వాసన వచ్చేంతవరకు ఉడికించాలి.
Step 4
బాగా ఉడికిన అనంతరం అందులో ఇదివరకే మ్యారినేట్ చేసుకున్న చికెన్ ముక్కలను వేసి, తర్వాత మాయోనైజ్, ఉప్పు మిక్స్ చేసి కలుపుకోవాలి. అంతే.. ఈ విధంగా చికెన్ సలాడ్’ను తయారుచేసుకుని, సర్వ్ చేసుకోవచ్చు.