tomato halwa recipe cooking tips healthy food item

వెజిటుబల్స్’లో టమోటా ఎంతో ఆరోగ్యకరమైందని అందరికీ తెలిసిందే! మానవ శరీరానికి కావలసిన పోషక విలువలు అందులో పుష్కలంగా వుంటాయి. అటువంటి టమోటాతో ప్రత్యేకంగా హల్వా చేసుకునేతింటే.. మాంచి రుచితోబాటు ఆరోగ్యానికి మంచిదే! మరి దీన్నెలా చేస్తారో తెలుసుకుందామా..

Prep Time

20 Minutes
Cooking Time

15 Minutes
Servings

2

కావాల్సిన పదార్ధాలు

10 టమోటాలు (ఎర్రగా పండినవి)
2 కప్స్ పంచదార
1 కప్ నెయ్యి
1/2 కప్ జీడిపప్పు + బాదంపప్పు (రెండు కలిపి)
1 కప్ బొంబాయి రవ్వ
2 టీ స్పూన్స్ యాలకులపొడి

తయారు చేయు విధానం

Step 1
స్టౌవ్ మీద ఒక పాత్ర పెట్టి అందులో కొద్దిగా నీళ్లు, టమోటా పండ్లను వేసి వేడి చేయాలి. కొద్దిసేపు తర్వాత కిందకు దించేసి టమోటాల నుంచి గుజ్జు తీయాలి.
Step 2
ఒక బాణలి తీసుకుని అందులో కొద్దిగా నెయ్యి వేసి వేడి చేయాలి. వేడయ్యాక అందులో జీడిపప్పు, బాదంపప్పు వేసి వేయించాలి. తర్వాత బొంబాయి రవ్వను వేసి దోరగా వేయించాలి.
Step 3
మరొక పాత్ర తీసుకుని అందులో రెండు కప్పుల నీరు ముందుగా మరిగించాలి. అనంతరం అందులో ఇదివరకు వేయించిన బొంబాయి రవ్వను కలుపుకోవాలి.
Step 4
ఆ మొత్తం మిశ్రమం దగ్గరపడిన తర్వాత టమోటా గుజ్జు, పంచదార, జీడిపప్పు, బాదంపప్పు, నెయ్యి వేసి బాగా కలియబెట్టాలి. చివరగా యాలకుల పొడి చల్లాలి. అంతే! హెల్తీ టమోటా హల్వా రెడీ!