mango ice cream recipe making tips

పండ్లకు రారాజు అయిన మామిడిపండుతో రకరకాల వంటకాలు, జ్యూసులు, ఇంకా ఇతరత్ర ఆహారపదార్థాలు తయారుచేస్తారనే విషయం అందరికీ తెలిసిందే! అయితే ఈ పళ్లతో చేసుకునే రసాలు ఆరోగ్యానికి చాలా మంచిది. అలాగే ఐస్’క్రీములు కూడా! మామూలుగా వీటిని సీజనల్’గానే చేస్తారు. ఇవి ఎంతో రుచిగా, చాలా ప్రత్యేకంగా వుంటాయి. మరి వీటితో ఐస్’క్రీమ్ ఎలా చేస్తారో తెలుసుకుందామా...

Prep Time

20 Minutes
Cooking Time

15 Minutes
Servings

2

కావాల్సిన పదార్ధాలు

2 కప్పులు మామిడిపండు ముక్కలు
2 కప్పులు పంచదార
5 కోడిగుడ్లు (పచ్చసొన)
1 కప్ క్రీమ్
2 కప్స్ పాలు
2 టేబుల్ స్పూన్స్ నిమ్మరసం

తయారు చేయు విధానం

Step 1
ఒక గాజు పాత్ర తీసుకుని అందులో మామిడి ముక్కలు, పంచదార, నిమ్మరసం తదితర పదార్థాలను వేసి కలుపుకోవాలి. తర్వాత పాత్రకు మూతపెట్టి రెండుగంటలపాటు ఫ్రిజ్’లో వుంచాలి.
Step 2
అనంతరం పాలు కలిపిన కస్టర్డ్’ను తయారుచేసుకోవాలి. ఒక పాత్రలో గుడ్డుసొనను గిలక్కొట్టి, అందులో కొద్దిగా పంచదార వేసి కలుపుకోవాలి. అనంతరం అందులో వేడిగా వున్న పాలు పోసి బాగా గిలక్కొట్టుకోవాలి.
Step 3
ఇలా కలుపుకున్న అనంతరం ఆ మిశ్రమాన్ని ఒక పాన్’లో వేసి స్టౌవ్ మీద పెట్టి మీడియం మంట మీద వేడి చేయాలి. దానికి మూతపెట్టకుండా చెక్క, గరిటెకు బాగా అంటుకునేవిధంగా చిక్కబడేవరకు అలానే వుంచాలి.
Step 4
ఇలా కలిపిన అనంతరం ఇందులో ఇదివరకు ఫ్రిజ్’లో పెట్టిన మిశ్రమాన్ని కలుపుకోవాలి. చివరగా కలిపిన మొత్తం మిశ్రమాన్ని ఒక బౌల్’లోకి వడబోసుకోవాలి. అంతే! మ్యాంగో ఐస్’క్రీమ్ రెడీ!