spanish ice cream making tips

చాలావరకు ఐస్’క్రీములన్నీ ఒకేరకంగా వుంటాయి కానీ.. మరికొన్ని మాత్రం కాస్త వెరైటీగా వుంటాయి. తీపిగానే వున్నా.. సరికొత్త టేస్టును కలిగి వుంటాయి. అటువంటివాటిల్లో ఈ స్పానిష్ ఐస్’క్రీమ్ ఒకటి! దీన్ని కూడా సాధారణ పదార్థాలనే ఉపయోగించి చేస్తారు కానీ.. టేస్ట్ మాత్రం ప్రత్యేకంగా వుంటుంది. మరి దీన్నెలా చేస్తారో తెలుసుకుందామా..

Prep Time

25 Minutes
Cooking Time

20 Minutes
Servings

2

కావాల్సిన పదార్ధాలు

250 మి.లీ. పాలు
1-2 కోడిగుడ్లు
500 మి.లీ. క్రీమ్
1-2 దాల్చిన చెక్క (పెద్దది)
300 గ్రాములు చక్కెర
1-2 నిమ్మకాయ
రుచికి తగినంత ఉప్పు

తయారు చేయు విధానం

Step 1
ఒక శుభ్రమైన పాత్రను స్టౌవ్ మీద పెట్టి.. అందులో పాలు, దాల్చిన చెక్క, నిమ్మకాయ (కేవలం రసాన్ని కాకుండా మొత్తాన్ని వేసేయాలి), చక్కెర తదితర పదార్థాలు వేసి వేడి చేయాలి. పాలు బాగా మరిగిన అనంతరం ఆ పాత్రను కిందకు దించేసి ఓ గంటసేపటివరకు చల్లార్చనివ్వాలి.
Step 2
మరోవైపు ఒక గిన్నెలో కోడిగుడ్డు సొన వేసి అందులో కొద్దిగా ఉప్పు కలిపి బాగా కలియబెట్టాలి. ఈ గిన్నెను చల్లని నీళ్లు వున్న గిన్నెలో వుంచితే.. కొద్దిసేపటి తర్వాత సొన చిక్కబడుతుంది.
Step 3
ఇప్పుడు ఇదివరకు మరిగించి, చల్లార్చిన పాలల్లోనుంచి దాల్చిన చెక్క, నిమ్మచెక్కలను తీసేసి.. అందులో కోడిగుడ్ల సొనను వేసి కలుపుకోవాలి. తర్వాత ఈ మిశ్రమాన్ని స్టౌ మీద వుంచి, మీడియం మంటమీద కలుపుతూ ఉడికించాలి.
Step 4
ఆ పాలమిశ్రమం బాగా చిక్కబడిన తర్వాత దానిని క్రిందకు దించేసి.. అందులో క్రీమ్ వేసి బాగా కలుపుకోవాలి. అనంతరం దీన్ని కొద్దిసేపటివరకు ఫ్రిజ్’లో పెట్టేయాలి.
Step 5
ఆ మిశ్రమం ఫ్రిజ్’లో గట్టిగా అయిన తర్వాత బయటకు తీసి రుబ్బుకోవాలి. అనంతరం మళ్లీ ఫ్రిజ్’లో పెట్టాలి. ఇలా చేయడం వల్ల ఐస్’క్రీమ్, మెత్తగా, మృదువుగా తయారవుతుంది. ఇలా మూడుసార్లవరకు చేయాలి. అంతే! స్పానిష్ ఐస్’క్రీమ్ రెడీ!