chinese bread pizza making tips healthy food item

నిజానికి పిజ్జాలు, బర్గర్లు వంటి తినడం ఆరోగ్యానికి మంచిది కాదని.. వీటిని రెగ్యులర్’గా తింటే ఊబకాయ వస్తుందని.. శరీరంలో కొలెస్టిరాల్ శాతం పెరిగి గుండె సంబంధిత వ్యాధులు కూడా వస్తాయని.. కాబట్టి వాటిని తినొద్దని న్యూట్రీషియన్లు సలహాలు ఇస్తుంటారు. ముఖ్యంగా స్టోర్లలో లభించే పిజ్జాలను అస్సలు సేవించకూడాదని అంటుంటారు.

అయితే వీటిని తినడానికి అలవాటు పడినవాళ్లు రెగ్యులర్’గా తీసుకోవాలంటే.. స్టోర్లలో కాకుండా ఇంట్లోనే ఆరోగ్యానికి మంచిదైన చైనీస్ బ్రెడ్ పిజ్జాను తయారుచేసుకోవచ్చు. మరి దాన్నెలా చేస్తారో తెలుసుకుందామా...

Prep Time

40 Minutes
Cooking Time

25 Minutes
Servings

2-4

కావాల్సిన పదార్ధాలు

వంటకానికి కావలసినన్ని బ్రెడ్ స్లైసులు
1 కప్పు ఉప్మా రవ్వ
1/2 కప్పు పాలు
1 టొమాటో
2 పచ్చిమిర్చి
1 ఉల్లిపాయ
1 టీ స్పూన్ క్యారెట్ తురుము
1 టీ స్పూన్ కాప్సికం
2 టీ స్పూన్స్ కొత్తిమీర
1 టీ స్పూన్ టోమాటో సాస్
3 టీ స్పూన్స్ చిల్లీ సాస్
50 గ్రాములు చీజ్
5 టీ స్పూన్స్ నూనె
తగినంత ఉప్పు

తయారు చేయు విధానం

Step 1
చీజ్, చిల్లీసాస్ తప్ప పైన తెలిపిన పదార్థాలన్నింటిని ఒక పాత్రలో వేసి బాగా మిక్స్ చేసుకోవాలి. అన్నీ పదార్థాలు మిక్స్ అయిన అనంతరం ఆ మిశ్రమాన్ని పక్కన పెట్టుకోవాలి.
Step 2
ఇప్పుడు బ్రెడ్ స్లైసులను తీసుకుని ఒక్కొక్కదానిపై చల్లీ సాస్ పూసి.. మళ్లీ దానిపై ఇదివరకు కలిపి పెట్టుకున్న మిశ్రమాన్ని ఆ బ్రెడ్ మొత్తానికి సమానంగా పూయాలి.
Step 3
ఇప్పుడు ఒక పెనుమును తీసుకుని అందులో కొద్దిగా నూనె లేదా వెన్న వేసి వేడి చేయాలి. కాగిన అనంతరం అందులో కలిపి పెట్టుకున్న బ్రెడ్ స్లైసులను వేసి రెండువైపులా కాల్చుకోవాలి. అంతే! ఆరోగ్యకరమైన చైనీస్ బ్రెడ్ పిజ్జా రెడీ!