beetroot salad recipe making tips healthy food item

బీట్’రూట్’లో విటమిన్ సి, పొటాషియం ఫోలిక్ యాసిడ్’లు పుష్కలంగా వుంటాయి. అంతేకాదు.. రక్తాన్ని శుభ్రపరిచే లక్షణాన్ని కలిగి వుండటంతోబాటు క్యాన్సర్ కారక కణాలను వృద్ధి కాకుండా నిరోధిస్తుంది. గుండె సంబంధిత వ్యాధులను నిరోధించడంలోనూ ప్రత్యేక పాత్రను పోషిస్తుంది. ఇన్ని ఆరోగ్య లక్షణాలతో కూడిన ఈ బీట్’రూట్’ని ఆహార వంటకాల్లో కలిపి తీసుకుంటే ఎంతో శ్రేయస్కరం.

ఒకవేళ ఆహార వంటకాల్లో కాకపోయిన.. సలాడ్ రూపంలోను దీనిని తీసుకోవచ్చు. ఇక ఈ సలాడ్’లో పోషక విలువలు కలిగిన ఇతర పదార్థాలనూ జోడించడంతో మరిన్ని ఆరోగ్యప్రయోజనాలు కలుగుతాయి. మరి.. ఆ బీట్’రూట్ సలాడ్’ను ఎలా చేస్తారో తెలుసుకుందామా...

Prep Time

20 Minutes
Cooking Time

15 Minutes
Servings

2-5

కావాల్సిన పదార్ధాలు

1 కప్పు బీట్’రూట్ తురుము
1 టీ స్పూన్ టమోటా తరుగు
1 టీ స్పూన్ నిమ్మరసం
1 టీ స్పూన్ కొత్తిమీర తరుగు
పోపుకి తగినంత ఎండుమిర్చి
కొద్దిగా నూనె
కొద్దిగా ఆవాలు
కొద్దిగా జీలకర్ర
రుచికి తగినంత ఉప్పు

తయారు చేయు విధానం

Step 1
ఒక పాత్రలో ముందుగానే చేసిపెట్టుకున్న బీట్’రూట్ తురుమును తీసుకుని.. అందులో తగినంత టమోటా తరుగుతోబాటు కొత్తిమీర తరుగు వేసి.. బాగా కలియబెట్టాలి.
Step 2
అనంతరం అందులోనే కొద్దిగా రుచికి తగినంతగా నిమ్మరసం, ఉప్పు వేసి.. మరోసారి కలుపుకోవాలి.
Step 3
మరోవైపు ఒక పాన్’లో కొద్దిగా నూనె వేసి వేడి చేసుకోవాలి. వేడయ్యాక అందులో ఆవాలు, జీలకర్ర, ఎండుమిర్చి తదితర పదార్తాలు వేసి.. పోపు చేసుకోవాలి.
Step 4
చివరగా ఈ పోపు మిశ్రమంలో ఇదివరకే చేసి పెట్టుకున్న బీట్’రూట్ మిశ్రమాన్ని వేసి కలుపుకోవాలి. అంతే! బీట్’రూట్ సలాడ్ రెడీ!