chicken chilli ghee roast

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చికెన్ చిల్లీ గీ రోస్ట్ ఎలా తయారుచేయాలో ఇక్కడ తెలుసుకోండి.

Prep Time

1 Hour 15 Minutes
Cooking Time

30 Minutes
Servings

3

కావాల్సిన పదార్ధాలు

చికెన్ - 600గ్రాములు (బోన్ లెస్ మరియు చిన్న ముక్కలుగా కట్ చేసినవి)
పెరుగు - 4టేబుల్ స్పూన్లు
నెయ్యి - 5 టేబుల్ స్పూన్లు
అల్లం, వెల్లుల్లి పేస్ట్ - 2టేబుల్ స్పూన్లు
పసుపు - చిటికెడు
బెల్లం లేదా పంచదార - 1 టేబుల్ స్పూన్లు
ఉల్లిపాయ - 1 (సన్నగా కట్ చేసుకోవాలి)
రుచికి సరిపడా ఉప్పు
కరివేపాకురెమ్మలు - 5
ఎండు మిర్చి - 10
జీలక్ర - ½ టీస్పూన్
మెంతులు - ¼th టీస్పూన్
దనియాలు - 1 టేబుల్ స్పూన్లు
పచ్చికొబ్బరి - 2 టేబుల్ స్పూన్లు (రోస్ట్ చేసుకోవాలి)
సోంపు - ½ టీస్పూన్
లవంగాలు - 2
దాల్చిన చెక్క - 2
నిమ్మరసం - 1 టేబుల్ స్పూన్లు
చింతపండు గుజ్జు- ½ టీస్పూన్

తయారు చేయు విధానం

Step 1
ముందుగా స్టౌ మీద పాన్ పెట్టి తక్కువ మంట మీద అన్ని రకాల మసాలాలు వేసి రోస్ట్ చేసుకోవాలి.
Step 2
అలాగే ఎండు మిర్చి కూడా రోస్ట్ చేసి పక్కన పెట్టుకోవాలి.వేయించుకున్న పదార్థాలు చల్లగా అయిన తర్వాత మిక్సీలో వేసి పొడి చేసుకోవాలి.
Step 3
ఇప్పుడు ఒక బౌల్ తీసుకుని అందులో శుభ్రం చేసుకున్న చికెన్ ముక్కలు వేసి, అందులోనే గ్రైండ్ చేసుకున్న మసాలాలు, పెరుగు, వేసి బాగా మిక్స్ చేసి పక్కన పెట్టుకోవాలి.
Step 4
మ్యారినేషన్ సమయంలోనే పసుపు కూడా వేసి బాగా మిక్స్ చేసి ఒక గంట పక్కన పెట్టుకోవాలి. తర్వాత మరో పాన్ స్టౌమీద పెట్టి, నెయ్యి లేదా నూనె వేసి వేడి చేయాలి.
Step 5
తర్వాత ఉల్లిపాయ ముక్కలు, కరివేపాకు వేసి వేగించుకోవాలి. ఉల్లిపాయ ముక్కలు, బ్రౌన్ కలర్లోకి మారే వరకూ వేగించుకోవాలి.
Step 6
ఇప్పుడు అందులో మ్యారినేట్ చేసిన చికెన్, వేసి మొత్తం మిశ్రమాన్ని మిక్స్ చేస్తూ వేగించుకోవాలి. తర్వాత అందులోనే 1/4కప్పు నీళ్ళు జోడించి, చిక్కగా ఉడికించాలి. మరీ గ్రేవీలా కాకుండా చిక్కగా ఉండేట్లు చూసుకోవాలి.
Step 7
ఇప్పుడు, కొబ్బరి తురుము, చింతపండు పేస్ట్, బెల్లం, నెయ్యి కూడా వేసి మొత్తం మిశ్రమాన్ని కలగలుపుకోవాలి.
Step 8
అవసరమైతే అందులోనే కొద్దిగా నిమ్మరసం మిక్స్ చేసి ఉడికించుకోవచ్చు. మొత్తం మిశ్రమాన్ని 10 నిముషాలు మీడియం మంట మీద ఉడికించుకోవాలి.
Step 9
అంతే చికెన్ చిల్లీ గీ రోస్ట్ రిసిపి రెడీ .వేడి వేడిగా వడ్డించడమే ఆలస్యం ఇష్టంగా తినేస్తారు.