egg semiya recipe making healthy food breakfast

గుడ్డులో ఔషధ విలువలు ఎంతమేరకు వున్నాయో ప్రత్యేకంగా చెప్పుకోవాల్సిన అవసరం లేదు. రోజూ చొప్పున ఒక గుడ్డు తింటే ఎంతో ఆరోగ్యమని డాక్టర్లు కూడా సలహాలు ఇస్తారు. అంతెందుకు... గుడ్డు ప్రాముఖ్యతను ప్రపంచవ్యాప్తంగా చాటిచెప్పేందుకు అక్టోబర్ 2వ తేదీన ‘వరల్డ్ ఎగ్ డే’ అని ఫెస్టివల్ కూడా జరుపుకుంటారు. దీంతో అర్థం చేసుకోవచ్చు.. గుడ్డులో ఎన్ని పోషకాలున్నాయో.. వాటితో ఎన్ని ఆరోగ్య ప్రయోజనాలు కలుగుతాయో..!

అటువంటి పౌష్టికాహారమైన గుడ్డుతో ఎన్నోరకాల వంటకాలను తయారుచేయొచ్చు. గుడ్డుతో తయారుచేసే ఏ వంటకాన్నైనా తినొచ్చు. అందులో భాగంగా ‘‘ఎగ్ సేమియా’’ వంటకం ఎంతో ప్రత్యేకమైంది. ఇది ఎంతో రుచిగా వుండటమే కాకుండా ఎన్నో ఆరోగ్య ప్రయోజనాలను కలిగిస్తుంది కూడా! ఇతర వంటకాలతో పోల్చుకుంటే.. ఇది చాలా బాగుంటుంది. ప్రత్యేకంగా వుండే ఈ రిసిపీని చిన్నపిల్లల నుంచి పెద్దలవరకు ఎంతో ఇష్టంగా తింటారు. దీనిని ఎలా తయారుచేస్తారో తెలుసుకుందాం...

Prep Time

20 Minutes
Cooking Time

15 Minutes
Servings

2-3

కావాల్సిన పదార్ధాలు

3 - 5 గుడ్లు (ఉడికించినవి)
2 కప్స్ సేమియా
1 టేబుల్ స్పూన్ నిమ్మరసం
1 టేబుల్ స్పూన్ చాట్ మసాలా
1/2 టేబుల్ స్పూన్ మిరియాలపొడి
రుచికి సరిపడా ఉప్పు
తగినంత నూనె
1 కోడిగుడ్డు (ఉడకబెట్టనది)

తయారు చేయు విధానం

Step 1
ఒక పాత్ర తీసుకుని అందులో సేమియా, చాట్ మసాలా, నిమ్మరసం, ఉప్పు, మిరియాలపొడి తదితర పదార్థాలు కలుపుకోవాలి. అనంతరం అందులో ఉడకబెట్టని కోడిగుడ్డును పగులగొట్టి.. లోపలి సొన వేసి బాగా కలపాలి.
Step 2
అలా కలిపిన ఆ మిశ్రమంలో ఇదివరకు ఉడికించి పెట్టుకున్న గుడ్లను వేసి బాగా కలియబెట్టాలి.
Step 3
ఒక పాత్ర తీసుకుని అందులో తగినంత నూనె పోసి వేడి చేయాలి. బాగా కాగిన అనంతరం అందులో సేమియా మిశ్రమాన్ని వేసి, గోధమరంగులోకి వచ్చేంతవరకు తిప్పుతూ వేయించాలి.
Step 4
అలా చేసిన తర్వాత ఆ మిశ్రమాన్ని బయటకు తీసి, బ్లాటింగ్ పేపర్ మీద పెట్టాలి. అప్పుడు గుడ్డును బయటకు తీసి, దానికి అంటిపెట్టుకుని వున్నపదార్థాన్ని అదనపు నూనె పేపర్ పీల్చుకున్నాక గుడ్డును కట్ చేసుకోవాలి. అంతే! ఎగ్ సేమియా రెడీ!