aloo gobi recipe making healthy food

అందరూ నిత్యం ఆరోగ్యంగా వుండాలంటే.. అందుకు తగినట్లుగానే నాణ్యత గల ఆహారాన్ని తీసుకోవడం చాలా మంచిది. అంటే.. పోషక విలువలు ఎక్కువగా నిల్వవుండే పదార్థాలనే ఎక్కువ సేవించాలి. అవి చాలావరకు వెజిటేబుల్స్’లోనే లభ్యమవుతాయి.

జంక్ ఫుడ్, ఫాస్ట్ ఫుడ్, ఇతర రకరకాల ఆహారప పదార్థాలను ప్రతిరోజూ సేవిస్తే.. అనారోగ్య బారిన పడాల్సి వస్తుంది. శరీరంలో కొవ్వుశాతం ఎక్కువగా పెరిగిపోయి బరువు పెరగడం, తర్వాత గుండె సంబంధిత వ్యాధుల బారినపడాల్సి వస్తుంది. కాబట్టి.. అటువంటి ఆహారాల నుంచి దూరంగా వుండి, పోషకాలు వుండే వెజిటేబుల్స్’తో తయారుచేసిన వంటకాలను తీసుకుంటే ఆరోగ్యంగా వుండటంతోబాటు చురుకుగా అన్ని వ్యవహారాల్లోనూ పాల్గొనవచ్చు.

అటువంటి ఆరోగ్యకరమైన ఆహారవంటకాల్లో ఆలూ - గోభీ రిసిపీ ఎంతో ఉత్తమమైనది. ఈ రెండు వెజిటేబుల్స్ కాంబినేషన్’తో తయారయ్యే ఈ వంటకంలో శరీరానికి అవసరమయ్యే ప్రోటీనులు, ఖనిజాలు, ఐరన్, ఇతర పోషక విలువలు పుష్కలంగా వుంటాయి. అవి శరీరంలోని హానికరమైన బ్యాక్టీరియాలతో పోరాడి, చిన్నచిన్న జబ్బుల నుంచి కాపాడుతాయి. కొవ్వుశాతాన్ని తగ్గించి, రక్తప్రసరణను మెరుగుపరుస్తాయి. ఇలా అన్ని రకాలుగా ఈ వంటకం ఉపయోగకరమైంది.

Prep Time

20 Minutes
Cooking Time

15 Minutes
Servings

3-6

కావాల్సిన పదార్ధాలు

4 - 5 బంగాళదుంపలు (ఉడికించి పొట్టు తీసేయాలి)
1 కాలీఫ్లవర్ (చిన్నగా తరిగి ఉడికించుకోవాలి)
3 - 4 టమోటా (సన్నగా తరిగినవి)
2 టేబుల్ స్పూన్స్ జీలకర్ర
1 టేబుల్ స్పూన్ అల్లం పేస్ట్
1 టేబుల్ స్పూన్ పసుపు
1 టేబుల్ స్పూన్ కారం
2 - 3 టేబుల్ స్పూన్స్ నూనె
1 బిర్యానీ ఆకు
1 కప్ నీళ్లు
రుచికి సరిపడా ఉప్పు
చిటికెడు పంచదార
తగినంత కొత్తిమీర తరుగు (గార్నిష్ కోసం)

తయారు చేయు విధానం

Step 1
బంగాళదుంపలను నీటిలో బాగా ఉడికించుకుని, పొట్టు క్లియర్’గా తీసేయాలి. అలాగే కాలీఫ్లవర్’ను చిన్నగా తరిగి, కడిగిన అనంతరం ఉడికించుకోవాలి. ఈ రెండింటిని పక్కన పెట్టుకోవాలి.
Step 2
స్టౌవ్ మీద పాన్’ను పెట్టి అందులో నూనె వేసి వేడి చేయాలి. కాగిన అనంతరం అందులో జీలకర్ర, బిర్యానీ ఆకువేసి మళ్లీ వేగించాలి. తర్వాత అందులోనే అల్లంవెల్లుల్లి పేస్ట్ వేసి, కొద్దిసేపటివరకు వేగించుకోవాలి.
Step 3
ఇప్పుడు అందులోనే ఇదివరకే ఉడికించి పెట్టుకున్న బంగాళదుంపల్ని, కాలీఫ్లవర్స్’ను వేసి బాగా కలియబెట్టి, ఐదారు నిముషాలు ఫ్రై చేయాలి. అలా చేస్తూనే అందులోనే పసుపు, కారం, పంచదార, జీలకర్రపొడి తదితర పదార్థాలు వేసి కొద్దిసేపటివరకు ఫ్రై చేయాలి.
Step 4
అలా ఫ్రై చేసిన తర్వాత అందులో ఒక కప్పు నీళ్లు పోసి మిక్స్ చేయాలి. తర్వాత పాత్రకు మూతపెట్టి మరికొద్దిసేపటివరకు మీడియం మంటమీద వేడి చేయాలి. అనంతరం కొత్తిమీద తరుగుతో గార్నిష్ చేయాలి. అంతే.. ఆరోగ్యకరమైన ఆలూ-గోబీ రిసిపీ రెడీ!