oats soup healthy recipe making ingredients

సాధారణంగానే ఓట్స్ మానవ శరీర ఆరోగ్యానికి ఎంతో మేలు చేస్తాయి. ఇందులో ఎన్నోరకాల పోషకాలు, ఖనిజాలు, ఇతర ఔషధగుణాలు చాలావుంటాయి. కాబట్టి.. ఓట్స్’ను రెగ్యులర్ డైట్’లాగే ఒక సమయానుకూలంలో తీసుకోవడ మంచిది. ఇటువంటి ఓట్స్’తో రకరకాల రిసిపీస్ తయారుచేసుకుని తీసుకోవచ్చు.

అందులో సూప్ అయితే చాలా బాగుంటుంది. ప్రతిరోజూ సాయంత్రం సమయంలో స్నాక్’లాగా ఈ సూప్’ను తీసుకుంటే.. ఎంతో హాయిగా, ఆరోగ్యంగా అనిపిస్తుంది. కోల్పోయిన శక్తి తిరిగి వస్తుంది. ఇటువంటి సూప్’ను తయారుచేసుకోవడం కూడా చాలా సులభమైన పద్ధతే.

Prep Time

15 Minutes
Cooking Time

10 Minutes
Servings

1

కావాల్సిన పదార్ధాలు

2 టేబుల్ స్పూన్స్ ఓట్స్
1 కప్ పాలు
1/4 కప్ ఉల్లిపాయలు (సన్నగా తరిగి పెట్టుకోవాలి)
2 వెల్లుల్లి రెబ్బలు (సన్నగా తరిగి పెట్టుకోవాలి)
కొద్దిగా పెప్పర్
కొద్దిగా నూనె
కొద్దిగా కొత్తిమీర తరుగు
సరిపడా ఉప్పు

తయారు చేయు విధానం

Step 1
ముందుగా ఒక పాన్ తీసుకుని అందులో కాస్త నూనె వేసి, వేడి చేసుకోవాలి. వేడయిన తర్వాత అందులో ఉల్లిపాయ ముక్కలు, వెల్లుల్లి ముక్కలు, వేసి.. బ్రౌన్ కలర్ వచ్చేంతవరకు ఉడికించాలి.
Step 2
మరొక గిన్నెలో కాస్త నీళ్లు పోసి, అందులో రెండు టేబుల్ స్పూన్ల ఓట్స్ వేసి ఉడికించుకోవాలి. చిక్కగా ఉడికిన అనంతరం అందులో పాలు పోసి... మరో 5 నిముషాలవరకు వేడి చేయాలి.
Step 3
అది అలా ఉడుకుతుండగానే అందులో ఇదివరకే రోస్ట్ చేసుకున్న ఉల్లిపాయ, వెల్లిల్లి ముక్కలు, ఉప్పు, పెప్పర్ పౌడర్ వేసి మిక్స్ చేయాలి.
Step 4
ఫైనల్’గా కొత్తిమీర తరుగుతో ఓట్స్ సూప్’ను గార్నిష్ చేయాలి. అంతే! ఆ తర్వాత సర్వ్ చేసుకుని టేస్టీ సూప్’ను తీసుకోవచ్చు.