fish tandoori recipe cooking tips special food item

సాధారణ ఫిష్ కర్రీలను, ఫ్రైలను చేసుకోవడం కన్నా కాస్త వెరైటీగా వుండే వంటకాలను చేసుకుంటే కొత్తగా వుండటంతోబాటు సరికొత్త రుచిని ఆస్వాదించవ్చు. కాబట్టి.. చికెన్ తందూరిలాగే ఫిష్ తందూరిని చేసుకుంటే తింటే.. ఎంతో మజాగా వుంటుంది. పైగా.. చేపలు ఆరోగ్యానికి మంచిదే కాబట్టి.. వారానికి రెండుసార్లు తీసుకుంటే ఎంతో శ్రేయస్కరం. మరి.. ఈ ఫిష్ తందూరి ఎలా చేస్తారో తెలుసుకుందామా...

Prep Time

25 Minutes
Cooking Time

40 Minutes
Servings

2-4

కావాల్సిన పదార్ధాలు

1/2 కేజీ చేపలు (తందూరీకి తగ్గట్టు పెద్ద చేపలు)
2 టీ స్పూన్లు మిరప పొడి
1 టీ స్పూన్ పసుపు పొడి
50 గ్రాములు పచ్చిమిర్చి
1/4 కప్ వెల్లుల్లి
2 టీ స్పూన్స్ మిరియాలు
1/2 కప్ పుదీనా
1/2 కప్ కొత్తిమీర
రుచికి తగినంత ఉప్పు
4 టీ స్పూన్లు వెనిగర్

తయారు చేయు విధానం

Step 1
చేపముక్కల్ని పైన పొట్టులేకుండా శుభ్రంగా కడిగేసుకున్న అనంతరం మధ్యలో గాట్లు పెట్టుకోవాలి.
Step 2
మరోవైపు ఒక పాత్రలో పచ్చిమిర్చి, వెల్లుల్లి, మిరియాలు, పుదీనా, కొత్తిమీర, ఉప్పుతోబాటు వెనిగర్ చేర్చి ఒక పేస్టులా కలుపుకోవాలి.
Step 3
ఈ విధంగా కలిపిన ఆ పేస్టును గాట్లు పెట్టిన చికెన్ ముక్కలను బాగా పట్టించాలి.
Step 4
ఇలా అన్ని ముక్కలకు పట్టించిన తర్వాత వాటిని గ్రిల్స్’కు తగిలించి.. ఓవెన్’లో 280 డిగ్రీల వద్ద వుంచాలి.
Step 5
10 నిముషాలకోసారి ఆ చేపముక్కలను తిప్పతూ.. ఇరువైపులా బాగా దోరగా అయ్యేంతవరకు వేయించాలి. అంతే! ఫిష్ తందూరి రెడీ!