gongura rice recipe making tips healthy food item

ఆకుకూరల్లో మానవ శరీరానికి కావలసిన అత్యంత అవసరమైన పోషక విలువలు పుష్కలంగా వుంటాయి. కాబట్టి.. వాటిని ఆహార వంటకాల్లో కలిపి తీసుకుంటే.. నిత్యం ఆరోగ్యంగా మెలగవచ్చు. అందులోని పోషకవిలువలు శరీరంలో వ్యాధినిరోధక శక్తిని పెంచడంతోబాటు అన్నీ అవయవాలు చురుగ్గా పనిచేసేందుకు ఎంతగానో సహాయపడుతాయి.

ఇక గోంగూరలోనూ ఐరన్, ఇతర పోషకాలు అధిక మోతాదులో వుంటాయి. ఈ గోంగూరతో తయారచేసిన భోజనాన్ని సేవిస్తే.. ఎన్నో ఆరోగ్యప్రయోజనాలు కలుగుతాయి. మరి.. ఈ వంటకాన్ని ఎలా చేస్తారో తెలుసుకుందామా...

Prep Time

30 Minutes
Cooking Time

25 Minutes
Servings

2-6

కావాల్సిన పదార్ధాలు

2 కప్పులు బియ్యం
2-3 కట్టలు గోంగూర
6 ఎండుమిర్చి
1 టీ స్పూన్ శెనగపప్పు
1 టీ స్పూన్ మినపప్పు
1 టీ స్పూన్ ఆవాలు
2 టీ స్పూన్లు జీలకర్రపొడి
2 టీ స్పూన్లు ధనియాలపొడి
2-3 రెమ్మలు కరివేపాకు
రుచికి తగినంత ఉప్పు

తయారు చేయు విధానం

Step 1
ముందుగా గోంగూరను నీటిలో శుభ్రంగా కడిగి.. నీటిలో వున్న పాత్రలో వేసి స్టౌవ్ మీద కొద్దిసేపటివరకు వేయించాలి. అనంతరం దానిని కిందకు దించి.. మిక్సీలో వేసి పేస్టులా చేసుకోవాలి.
Step 2
మరోవైపు బియ్యాన్ని నీటితో శుభ్రంగా కడిగేసుకుని పక్కన పెట్టుకోవాలి.
Step 3
ఒక పాన్ తీసుకుని అందులో నూనె పోసి వేడి చేయాలి. అనంతరం ఎండుమిర్చి, శెనగపప్పు, ఆవాలు, జీలకర్రపొడి, ధనియాలపొడి, కరివేపాకు తదితర పదార్థాలు వేసి, పోపు వేయించాలి.
Step 4
అలా వేయించిన పోపులో గోంగూర ముద్ద వేసి మిక్స్ చేయాలి. అలాగే బియ్యాన్ని కూడా నీటితో సహా పోయాలి. అందులో తగినంత ఉప్పు కూడా వేసుకుని మూతపెట్టి.. కొద్దిసేపటివరకు వేయించాలి. అనంతరం దించేయాలి.
Step 5
అలా దించిన ఆ గోంగూరు బియ్యాన్ని ఒక వెడల్పయిన పాత్రలో వేయాలి. అనంతరం అందులో జీలకర్ర, ధనియాల పొడి వేసి బాగా కలుపుకోవాలి. అంతే! నోరూరించే గోంగూర రైస్ రెడీ!