butter garlic fish fry recipe making

చేపలు తింటే శరీర ఆరోగ్యానికి ఎంతో మేలని అందరికీ తెలిసిన విషయమే! కాబట్టి.. వీటిని రకరకాల వంటకాల్లో వండి తింటే చాలా మంచిది. చేపలతో చేసే ప్రత్యేకమైన వంటకాల్లో బట్టర్ గార్లిక్ ఫిష్ ఫ్రై చాలా బాగుంటుంది. దీనిని చాలా సింపుల్’గా, తక్కువ సమయంలోనే టేస్టీగా వండుకుని తినొచ్చు. చందువా ఫిష్ పిల్లెనుట్’ను బట్టర్’తో మ్యారినేట్ చేసి, ఫ్రై చేస్తే చాలు.. రిసిపీ తయారైపోతుంది.

ఈ రిసిపీ బెంగాల్’లో ఎంతో పాపులర్ అయింది. దాదాపుగా దీన్ని కేవలం ఫెస్టివల్స్, శుభకార్యాలు జరుగుతున్నప్పుడే ఎక్కువగా తయారుచేస్తారు. ఆయా సమయాల్లో వంటకార్యక్రమాలు త్వరగా నిర్వహించడంలో ఈ ఫ్రైను త్వరగా ముగించేయొచ్చు కాబట్టి దీనిమీదే ఎక్కువ ఆసక్తి చూపుతారు. ఇక ఆరోగ్యానికి ఎలాగో మంచిది కాబట్టి.. ప్రతిఒక్కరు దీన్ని తినేందుకు ఎంతగానో ఇష్టపడతారు. మరి ఈ ఫ్రైని ఎలా తయారుచేస్తారో తెలుసుకుందాం...

Prep Time

30 Minutes
Cooking Time

20 Minutes
Servings

3-6

కావాల్సిన పదార్ధాలు

1/2 కేజీలు చందువా చేప ముక్కలు
2 లేదా 3 టేబుల్ స్పూన్స్ బట్టర్ (వెన్న)
1 టేబుల్ స్పూన్ బేకింగ్ పౌడర్
1 టేబుల్ స్పూన్ కార్న్ ఫ్లోర్
2 టేబుల్ స్పూన్స్ వెల్లుల్లి తురుము
2 టేబుల్ స్పూన్స్ కొత్తమీరి తురుము
1 టేబుల్ స్పూన్ మైదా
రుచికి సరిపడా ఉప్పు

తయారు చేయు విధానం

Step 1
ముందుగా తీసుకున్న చేపను శుభ్రంగా కడిగేసుకుని, ముక్కలుగా కట్ చేసుకొని, పక్కన పెట్టుకోవాలి.
Step 2
ఒక మిక్సింగ్ బౌల్ తీసుకుని అందులో వెల్లుల్లి తురుము, ఉప్పు, మైదా, కార్న్ ఫ్లోర్, బేకింగ్ పౌడర్ తదితర పదార్థాలను వేసి కలుపుకోవాలి.
Step 3
ఆ మిశ్రమాన్ని చేప ముక్కలను పట్టించి కొద్దిసేపటి వరకు అలాగే వుంచాలి. గంట లేదా గంటన్నరవరకు మ్యారినేట్ చేసి అలాగే పక్కన పెట్టేయాలి.
Step 4
కొద్దిసేపటి తర్వాత ఒక నాన్’స్టిక్ పాన్’ను తీసుకుని అందులో కాస్త వెన్న వేసి వేగించాలి. బాగా వేగిన అనంతరం అందులో ఇదివరకే మ్యారినేట్ చేసుకున్న చేపముక్కలను వేసి.. అన్నివైపులా బ్రౌన్ కలర్ వచ్చేంతవరకూ ఫ్రై చేయాలి.
Step 5
అంతే.. ఈ విధంగా గార్లిక్ బట్టర్ ఫిష్ ఫ్రైని రెడీ చేసుకుని, సర్వ్ చేసుకోవచ్చు.