palak chicken fry recipe making

మాంసాహార పదార్థాల్లోనే ఎంతో ప్రత్యేకమైన చికెన్’తో ఎన్నోరకాల వంటకాలను తయారుచేసుకోవచ్చు. అందులో భాగంగానే ఈ పాలక్ చికెన్ ఫ్రై ఎంతో రుచికరంగానూ, ప్రత్యేకంగా వుండటంతోబాటు మానవ శరీరానికి కావలసిన పోషకాలు, ప్రోటీనులను కూడా ఇది అందిస్తుంది. అందుకే.. చాలామంది దీనికే ఎక్కువ ప్రాధాన్యతను ఇస్తారు. చికెన్’తో చేసే మిగతా ఫ్రైలు కూడా బాగానే వుంటాయిగానీ.. ఆరోగ్యపరంగా ఈ పాలక్ ఫ్రైయే చాలా బెస్ట్.

ఎందుకంటే.. పాలకూరలో ఎన్నోరకాల ప్రోటీనులు, ఎముకులకు కావలసిన పోషకాలు, కాల్షియం, ఐరన్ ఇతర ఖనిజాలు పుష్కలంగా వుంటాయి. ఇక చికెన్’లో కూడా బోన్స్’కు సంబంధించి ఔషధగుణాలు కొద్దిమేరలో వుంటాయి. ఆ రెండింటి కాంబినేషన్’తో తయారుచేసిన పదార్థాన్ని తింటే.. ఎంతోమేలు! దీనిని తయారుచేయడం పెద్ద కష్టమేమీ కాదు. పైగా తక్కువ సమయంలోనే ఈ ఫ్రైను చేయొచ్చు.

Prep Time

30 Minutes
Cooking Time

20 Minutes
Servings

4-8

కావాల్సిన పదార్ధాలు

1/2 కేజీలు చికెన్
150 గ్రాములు పాలకూర
4 ఉల్లిపాయలు
8 ఎండుమిర్చి
7 పచ్చిమిర్చి
2 టేబుల్ స్పూన్స్ అల్లంవెల్లుల్లి పేస్ట్
1 టేబుల్ స్పూన్ పసుపు
1 టేబుల్ స్పూన్ గరం మసాలా (దాల్చిన చెక్క - చిన్నముక్క; లవంగాలు - 5; ఏలకులు - 3 కలిపి పొడి చేయాలి)
5 రెమ్మలు పుదీనా
2 రెమ్మలు కరివేపాకు
2 టేబుల్ స్పూన్ కొత్తిమీర తరుగు
10 - 13 జీడిపప్పు
సరిపడా ఉప్పు

తయారు చేయు విధానం

Step 1
చికెన్’ను ముందుగా నీటిలో శుభ్రంగా కడిచేసుకుని.. మీడియం సైజ్’లో కట్ చేసుకోవాలి. కట్ చేసిన తర్వాత మరోసారి నీటిలో కడిగి, పక్కన పెట్టుకోవాలి.
Step 2
మరోవైపు ఉల్లిపాయలను, పచ్చిమిర్చిని తగిన పరిమాణంలో సన్నగా తరగాలి.
Step 3
ముందుగా కడిగి పెట్టుకున్న చికెన్ ముక్కలకు పసుపు, మసాలా పట్టించి.. స్టౌ మీద కాసేపు ఉడికించుకోవాలి. 10 నిముషాలు వేడెక్కిన తర్వాత నీళ్లుపోసి.. మరో 10 నిముషాలవరకు వేగించాలి.
Step 4
మరొక స్టౌవ్ మీద ఒక గిన్నెను పెట్టి.. అందులో నూనె పోసి కొద్దిసేపు వేడి చేయాలి. బాగా కాగిన అనంతరం అందులో ఉల్లిపాయ ముక్కలు, పచ్చిమిర్చి, అల్లంవెల్లుల్లి పేస్ట్, కరివేపాకు, పుదీనా, పాలకూర తదితర పదార్థాలు, రుచికి సరిపడా ఉప్పు వేసి వేగించాలి.
Step 5
ఆ మిశ్రమం బాగా వేడెక్కిన తర్వాత అందులో ఇదివరకే ఉడికించిన చికెన్ ముక్కలను వేసి.. బాగా వేగించాలి.
Step 6
చికెన్ బాగా ఉడికిన తర్వాత దించేముందు ధనియాలపొడి, జీడిపప్పు, కొత్తమీర తదితర పదార్థాలు చల్లాలి. అలా చల్లిన తర్వాత మరో ఐదునిముషాలపాటు మూతపెట్టి వుంచాలి.
Step 7
అంతే.. మూత తెరిస్తే ఘుమఘుమల సువాసన కలిగిన పాలక్ చికెన్ ఫ్రై రెడీ.