atukula pulihora morning breakfast recipe

ఇది ఎంతో రుచికరమైన ఆహారం. ఇది చాలా తక్కువ మోతాదులో కేలరీలను కలిగి వుంటుంది. చింతపండు గుజ్జుతో తయారుచేసే ఈ బ్రేక్’ఫాస్ట్ ఆరోగ్యానికి ఎంతో మంచిది కూడా! అంతేకాదు.. చాలా తక్కువ సమయంలోనే దీనిని తయారుచేసుకోవచ్చు. నేటి ఫాస్ట్ జనరేషన్’లోత్వరగా ఆఫీసుకు వెళ్లేవాళ్లు ఈ బ్రేక్’ఫాస్ట్’ను తక్కువ సమయంలోనే ముగించుకుని తమ కార్యకలాపాలను నిర్వహించుకోవచ్చు.

Prep Time

15 Minutes
Cooking Time

10 Minutes
Servings

4

కావాల్సిన పదార్ధాలు

1 కప్ అటుకులు
1/4 టేబుల్ స్పూన్ పసుపు
1/4 టేబుల్ స్పూన్ చింతపండు గుజ్జు
రుచిపడా ఉప్పు
2 టేబుల్ స్పూన్స్ నూనె
1 టేబుల్ స్పూన్ ఆవాలు
చిటికెడు ఇంగువ
2 టేబుల్ స్పూన్స్ శెనగపప్పు
2 ఎండుమిర్చి (కట్ చేసుకోవాలి)
1 కప్ పచ్చిమిర్చి (కచ్ చేసుకోవాలి)
2 లేదా 3 టేబుల్ స్పూన్స్ వేయించిన వేరుశెనగలు
కొద్దిగా కరివేపాకు

తయారు చేయు విధానం

Step 1
ముందుగా అటుకులను నీటిలో బాగా కడిగి... కడిగిన నీటిని పక్కనపడేసి ఆ అటుకులను పక్కన పెట్టుకోవాలి.
Step 2
ఆ అటుకుల్లో కాస్త ఉప్పు, పసుపు, చింతపండు గుజ్జు జోడించి మిక్స్ చేసుకోవాలి.
Step 3
తర్వాత స్టౌ మీద ఒక గిన్నె పెట్టి అందులో కాస్త నూనె వేసి వేడిచేయాలి.
Step 4
వేడి అవుతుండగానే అందులో ఆవాలు వేయాలి. చిటపటలాడిన తర్వాత అందులో ఇంగువ, శెనగపప్పు, ఎండుమిర్చి, వేరుశెనగలు, ఉప్పు, కరివేపాకు తదితర పదార్థాలు వేసి వేగించుకోవాలి.
Step 5
బాగా వేడెక్కిన తర్వాత అందులో ముందుగా రెడీ చేసి పెట్టుకున్న అటుకులను వేసి మిక్స్ చేసుకోవాలి.
Step 6
ఆ మిశ్రమంలో రుచికి సరిపడా ఉప్పును సరిచూసుకుని ప్రతి 3 లేదా 5 నిముషాలకొకసారి కలుపుతూ ఉడికించాలి.
Step 7
అంతే.. కొద్దిసేపు ఉడికిన అనంతరం అటుకుల పులిహోర తయారైపోతుంది.