bhakshalu

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఉగాది స్పెషల్ భక్ష్యాలు ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

40 Minutes
Servings

4

కావాల్సిన పదార్ధాలు

ఉడికించిన శనగపప్పు - రెండు కప్పులు,
బెల్లం- మూడు కప్పులు,
గోధుమ పిండి - నాలుగు కప్పులు,
చక్కెర- రెండు కప్పులు.

తయారు చేయు విధానం

Step 1
ముందుగా స్టవ్‌ మీద పాత్ర పెట్టి దాంట్లో బెల్లం వేసి కరిగించుకోవాలి. బెల్లం కరుగుతున్న సమయంలో ఉడికించుకున్న శనగపప్పు వేసి కలుపుకోవాలి.
Step 2
బెల్లం పూర్తిగా కరిగిన తర్వాత ఒక చెంచా గసగసాలు, ఒక చెంచా సోంపు పొడి, యాలకుల పొడి, చిటికెడు శొంఠి పొడి వేసి బాగా కలుపుకోవాలి.
Step 3
ఈ మిశ్రమం పూర్తిగా చల్లబడే వరకు పక్కన పెట్టుకోవాలి. చల్లబడిన తర్వాత మెత్తగా గ్రైండ్‌ చేసుకుంటే భక్ష్యాల పూర్ణం రెడీ!
Step 4
ఆ తర్వాత మరో పాత్రలో గోధుమ పిండిని పూరీ పిండిలా కలిపి అరగంట నాననివ్వాలి. తర్వాత పూర్ణం ముద్దను చిన్న చిన్న ఉండలు కట్టుకోవాలి.
Step 5
గోధుమపిండి కొద్దిగా తీసుకుని దాంట్లో పూర్ణం నింపి చేత్తో మెల్లగా వత్తుకోవాలి. ( ఖాళీ ఆయిల్‌ ప్యాకెట్‌ కవర్‌పై వేస్తే ఈజీగా వస్తాయి) .
Step 6
ఆ తర్వాత స్టవ్‌ మీద పాన్‌ పెట్టి దాంట్లో కొద్దిగా నెయ్యి వేసుకొని భక్ష్యాలను దొరగా నెయ్యిలో వేయించుకుంటే సరిపోతుంది.